Loja falas e radhës në Epic Games Store do të jetë një JRPG

Pas zbulimit të lojës falas për këtë javë(të cilës mos harroni t’i hidhni një sy dhe ta merrni), Epic Games Store ka zbuluar lojën tjetër që do të vijë e cila do të jetë një JRPG.

Loja falas që do të vijë javën tjetër është Cris Tales, një JRPG nga studio indie Dreams Uncorporated dhe Syck dhe publikuar nga Modus Games. Cris Tales ndjek historinë e një vajze jetime të quajtur Crisbell teksa ajo udhëton në botën e mrekullueshme të Narim, një botë ku shpatat janë magjike dhe bretkosat mund të flasin.

Ju do të përballeni me quest dhe side-quests të ndryshëm duke i kombinuar me puzzle dhe sistemin turn-based. Gjithashtu përfshin edhe një mekanikë të manipulimit të kohës. Gjithashtu të mos harrojmë të përmendim artin vizual të mrekullueshëm dhe goxha tërheqës.

Cris Tail do të bëhet falas në datën 24 shkurt në Epic Games Store ku do të keni mundësinë ta merrni falas. Gjithashtu mos harroni të merrni lojën aktuale falas në Epic Games Store tani.