E quajtur “Genshin-Killer”, Tower of Fantasy do të vijë shumë shpejt
Nëse jeni një fans i Genshin Impact ose Nier dhe dashuroni lojërat open-world, atëherë duhet të keni dëgjuar me patjetër për lojën më të fundit RPG sci-fi open-ëorld të quajtur Tower of Fantasy. Dhe pjesa më e bukur është se loja do të lançohet shumë shpejt.
Tower of Fantasy iu vendos në një të ardhme të largët ku njerëzimi është larguar nga Toka për shkak të mungesës së resurseve dhe janë zhvendosur në Aida, një planet alien. Aty ata zbulojnë kometën Mata e cila përmban një formë energjie të fuqishme të quajtur Omnium. Por në përpjekje për të marrë këtë formë të re energjie, një event kastratofik ndodh në planetin e tyre të ri.
Kjo lojë iu sjell një botë të madhe dhe të bukur open-world në këtë botë aliene e cila iu ofron shumë për të eksploruar. Bashkohuni me miqtë tuaj në aventura të ndryshme me një kast të larmishëm karakteresh dhe stile të ndryshme luftimi.
Pjesa që e ndan këtë lojë nga Genshin Impact dhe që i ka bërë njerëzit ta quajnë si loja që “do heqi qafe” Genshin Impact ose do ketë konkurrencë me të është fati se ju keni mundësinë personalizoni karakteret tuaja.
Kjo veçori do t’iu jap mundësinë për kryeni ndryshime në pamjen e jashtme të karakterit tuaj në varësi të shijeve tuaja. Kjo është një veçori që i mungon Genshin Impact dhe që do të na pëlqente ta shikonim në lojë.
Gjithashtu zhvilluesi i lojës, Hotta Studio ka kryer goxha punë edhe në pjesën e combat duke sjellë një larmi të madhe aftësitë dhe armësh të kombinuar me aspektin sci-fi të lojës. Ju mund të ngjiteni në terrene të ndryshme, notoni ose udhëtoni rreth e rrotull me automjetet që iu ofrohen si jetpacks, hoverboard dhe më shumë.
Nxitoni të regjistroheni në website e Tower of Fantasy duke iu dhënë edhe një shans për të marrë shpërblime ekstra kur loja të lançohet më 10 gusht 2022. Tower of Fantasy do të vijë në mobile në App Store në iOS, Google Play në Android dhe në PC nëpërmjet Steam dhe Epic Store ose launcher të vetë.