Loja e Amazon, New World, pati një sukses të madh gjatë lançimit të saj në qoftë se nuk llogarisim problemin me radhën e gjatë në queue (personalisht kemi pritur më shumë se 4 ore për të hyrë në lojë). Dhe një problem i vjetër po rikthehet përsëri në lojë.
Sipas disa postimeve në Reddit, New World po shkatërron përsëri karta grafike njësoj siç ka bërë gjatë fazës beta të lojës. Gjithashtu gjatë kësaj here, përveç faktit që po i shkatërron kartat grafike, New World po shkakton overheating të madh, pra rritje të madhe të temperaturës së kartave grafike.