Nëse merret parasysh edhe origjinali, seria e lojës tani ka mbi 5 milion kopje të shitura në total.
Një muaj pas daljes në treg, loja Little Nightmares 2, paksa e frikshme dhe mbushur me enigma, nga Tarsier Studios, tashmë ka shitur mbi 1 milion kopje në të gjitha platformat.
“Ne jemi shumë krenarë për suksesin e Little Nightmares dhe me të vërtetë mirënjohës për mënyrën se si fans-at e kanë mbështetur universin tonë përmes lojërave dhe comics, duke vënë mendjen e tyre në punë për të gjetur teoritë më të çuditshme mbi lojën”, tha Herve Hoerdt, zv. presidenti i marketingut në Bandai Namco Entertainment Europe.
Në lojën e dytë ju luani si një protagonist i ri, një djalë me emrin Mono, që mban në kokë një qese prej letre. Ashtu si edhe në lojën paraardhëse, pasi zgjoheni në mes të një pylli të errët, ju mundoheni t’i shpëtoni versionesh gjigante, jo normale dhe të frikshme, të rriturish, duke përfshirë një mësuese me qafë elastike dhe një mjek që zvarritet nëpër tavane; si dhe të gjeni rrugën e duhur së bashku me Six.
Më poshtë ndodhet trailer-i zyrtar.