Legend of Zelda: Skyward Sword HD është loja e gjashtë e serisë Legend of Zelda e cila debutoi për herë të parë për 25 vjetorin e Legend of Zelda. Loja kërkon të tregojë historinë e origjinës së heroit Link dhe se si ka filluar ajo. Tani, Nintendo i ka dhënë lojës një remaster të ri për Nintendo Switch, dhe kjo gjë e lejon që Skyward Sword HD të shkëlqejë përsëri edhe pse gjatë rrugës mund të hasni disa problemeve “teknike”.
Skyward Sword HD tregon historinë e Link para se të bëhet heroi që të gjithë e njohim. Ngjarjet zhvillohen vite më përpara në të kaluarën. Gjatë kësaj kohe, Link stërvitet si kalorës në qytetin Skyloft, i cili ndodhet në qiell. Aty ai kalon kohë me shoqen e tij të fëmijërisë, Zelda.
Por një rrezik afrohet dhe Zelda përfundon në Tokë dhe Link duhet të hidhet në aventurë për të shpëtuar Zelda. Gjatë rrugëtimit të tij ai mëson se është zgjedhur nga Perëndesha Hylia për të shpëtuar botën duke i dorëzuar atij shpatën Skyward. Tashmë Link duhet të shpëtojë Zelda dhe njëkohësisht të shpëtoj botën nga një rrezik i madh që po afrohet.
Për fansat e vjetër të serisë The Legend of Zelda, kjo lojë funksionon ashtu siç pritet. Edhe pse nuk ka të njëjtë mekanika eksplorimi si Breath of the Wild, Skyward Sword HD nuk fokusohet vetëm në zgjidhjen e puzzle ndryshe nga lojërat e mëparshme të kësaj serie.
Legend of Zelda: Skyward Sword HD arrin të sjellë side quests të cilët do t’iu ndihmojnë në gjërat kryesore, mbledhjen e materialeve për craft dhe do t’iu ofrojnë goxha argëtim.
Kur bëhet fjalë për historinë, Skyward Sword HD sjell një ndër historitë më të mira nga seria e Legend of Zelda. Skyward Sword HD tregon me detaje marrëdhënien midis Link dhe Zelda dhe gjithashtu tregon anë të Link të cilat nuk i kemi parë më përpara.
Gjithashtu gjatë rrugëtimit tuaj ju do të merrni aleatët të ndryshëm si Fi dhe Groose të cilët do t’iu japin më shumë detaje rreth historisë dhe do t’iu ndihmojnë në situata ku hasni vështirësi. Dhe të mos harrojmë zogun tuaj, Crimson Loftwing, i cili do t’iu ndihmojë të fluturoni kur jeni në qiell dhe në qytetin e Skyloft.
Gjatë rrugëtimit tuaj ju do të hasni shumë armiq të ndryshëm ku secili prej tyre ka mënyra të ndryshme për t’u mundur.
Antagonistët në Skyward Sword HD janë goxha interesantë gjithashtu. Ju të takoheni me armiq si Ghirahim dhe Demise. Dhe të themi të drejtën, në fillim Ghirahim është goxha argëtues me veprimet e tij por që më vonë fillon dhe bëhet pak i mërzitshëm.
Dhe një ndryshim i madh që vjen në versionin Switch të Skyward Sword HD janë controls. Nintendo Wii përdorte controller e saj për të luajtur i cili ka qenë goxha i vështirë për t’u përdorur nga lojtarët. Por në Switch kjo gjë nuk është më një problem pasi ju mund të luani duke përdor joy-cons me motion-control ose me metodat tradicionale.
Ne iu rekomandojmë që të përdorni motion-control pasi iu bën të angazhoheni plotësisht në lojë dhe mekanikat e saj. Duke lëvizur joy-cons në drejtime të caktuara ju do të kryeni lëvizje specifike si të luftoni, të kërceni, gjuani me shigjeta dhe më shumë. Dhe nëse jeni konfuz, ju do të keni mundësinë që të hapni një listë ndihmëse e cila do t’iu orientojë në lidhje me controls.
Dhe nëse dëshironi që t’i riktheheni kësaj loje, ju mund ta bëni atë kurdoherë pasi edhe nëse e përfundoni lojën ju do të keni plot vende që keni lënë pa eksploruar gjatë rrugëtimit tuaj.
Ju mund të luani edhe në metodën tradicionale duke përdor joysticks e controller tuaj.
Sidoqoftë, ky sistem i ri i controls ka të metat e tij. Vendosja e butonave është mjaft e ndërlikuar që në fillim dhe sidomos për lojtarët e rinj. Personalisht na u desh disa kohë që të ambientoheshim me controls dhe të arrinim që t’i mësonim ato. Por në krahasim me versionin e Wii, Skyward Sword HD në Switch sjell shumë përmirësime në këtë aspekt.
Për sa i përket grafikave, Skyward Sword HD sjell një përmirësim të madh në të. Edhe pse nuk janë grafikat më të mira që kemi parë në Switch, në krahasim me version Wii është një përmirësim goxha i madh. Nëse e keni luajtur version e Wii do të vini re ndryshimet e mëdha në aspektin vizual dhe në mënyrën se si karakteret lëvizin.
Por diçka e cila nuk na pëlqeu ishte fakti që loja vinte me një çmim të plotë dhe nuk ofronte DLC ose përmbajtje ekstra për lojtarët. Kurse audio dhe muzika e lojës nuk kishte ndryshuar shumë dhe ka ngelur pothuajse e njëjta por kjo nuk i ul kualitetin lojës.
Për ta përmbledhur, sistemi i ri i kontrollit dhe përmirësimet në quality of life e bëjnë Skyward Sword HD më të lehtë për lojtarët që ta luajnë. Historia zhvillohet bukur dhe në ritmin e duhur dhe kombinohet bukur me elementët grafik dhe audion. Gjithashtu edhe mekanikat e tjera si fluturimi me Crimson Loftwing, side quests dhe motion-control(me disa probleme të vogla) e shtojnë akoma edhe më shumë argëtimin tuaj në këtë lojës.