Sony nuk e ka njoftuar ende informacionin zyrtar të PS Plus për tetor 2021, megjithatë, ashtu si herën e kaluar, i njëjti burim ka zbuluar lojërat për muajin e ardhshëm.
Ndërsa muajin e kaluar, lojtarët mund të shijonin një përzierje të lojërave konkurruese multiplayer, këtë muaj, grupi përbëhet nga Mortal Kombat X, një lojë golfi PGA Tour 2K21 dhe një lojë krejt e re multiplayer që do të dalë për PS5, Hell Let Loose.
Hell Let Loose sapo ka marrë një beta në PS5. Loja nuk ishte e disponueshme për pre-order në PS5 gjë që çoi në spekulimet se mund të ofrohet përmes PS Plus. Në fund të fundit ka dalë të jetë kështu.
Mortal Kombat X ishte një nga lojërat e mëparshme PS4. Ndërsa është mirë ta shohësh atë në shërbimin e abonimit, ai është plakur shumë dhe paraprihet nga Mortal Kombat 11. Sidoqoftë, ai duhet t’u sigurojë fansave një mundësi për të rishikuar serinë përsëri.
Njoftimi zyrtar pritet të ndodhë në 28-29 shtator. Lojërat do të konfirmohen dhe lëshohen për të gjithë abonentët e PlayStation Plus duke filluar nga e marta-e mërkurë e parë e tetorit, pra rreth 5 – 6 tetor.