Më në fund Riot Games ka zbuluar champion e tyre më të ri pas muajsh të tëra leaks. Champion i ri që do të vijë së shpejti është Zeri e cila pritet të sjellë mekanika të reja dhe më shumë në lojë.
Sipas informacioneve që kemi deri më tani, champion i ri që do të vijë, Zeri, do të jetë ADC dhe me origjinë prej Zaun. Ajo do të ketë me vete një armë të veçantë dhe fuqi me elektricitet gjykuar nga imazhet e zbuluara rreth saj. Gjithashtu fansat janë emocionuar pasi pritet që ajo të vijë në sezonin e dytë të Arcane.
Bashkë me Zeri, pritet që ajo të përdorë një mekanikë të re dhe të veçantë për auto-attack kështu që me shumë mundësi do të shohim goxha gjëra të reja gjatë patch të ri në League of Legend. Biografia e saj tregon se ajo prodhon elektricitetin dhe arrin ta kontrollojë atë duke përdorur emocionet e saj.