Kemi shumë lojëra të cilat do të dëshironim t’i shikonim remake ose të paktën remastered dhe ndër to janë sigurisht edhe lojërat Need For Speed. Dhe një remake i Need For Speed Underground 2 i bërë nga fansat duket fantastik.
Ky remake është bërë nga modder Ivan Novozhilov i cili së fundmi ka “rikrijuar” një version të Need For Speed Underground 2 të cilën mund ta luani dhe që është ndërtuar në Unreal Engine 4. Dhe Ky version ofron grafika fantastike në rrugët e ndryshme të qytetit të mbushura me dinamikë.
Por kjo nuk është e vetmja gjë që modder Ivan Novozhilov planifikon të sjellë. Ai ka rregulluar dhe ka në plan të rregullojë shumë problematika që Need For Speed Underground 2 origjinal ka patur si problemet me zhurmën e radios, mungesë strukturash dhe më shumë. Gjithashtu ai ka shtuar edhe veçori të reja si in-game weather dhe ndërveprime me mjedisin.
Videon e plotë të këtij projekti remake mund të gjeni më sipër. Kjo nuk është hera e parë që Unreal Engine 4 është përdorur për remake pasi shumë modders nga i gjithë interneti e kanë përdorur për remake të lojërave të ndryshme klasike si loja origjinale e Metal Gear Solid dhe Ocarina of Time.