Season 4 është shumë pranë tashmë
Season 4 është shumë pranë tashmë
Thuajse tre muaj kanë kaluar që kur Season 3 nisi në Apex Legends në fillim të tetorit. Kjo padyshim që do të thotë se Season 4 është fare pranë.
Megjithatë, nëse Respawn Entertainment vazhdon të bëjë atë që ka bërë edhe gjatë 3 sezoneve të para, sezoni i katërt nuk do të shfaqet nga hiçi. Në fakt, në lojë do të vijnë vazhdimisht teasers të rinj, që tregojnë dalëngadalë nisjen e sezonit tjetër.
Përpara Season 2 dhe 3, disa të dhëna në hartë filluan të shfaqeshin disa javë më parë, duke i treguar lojtarëve se çfarë duhet të prisnin. Duke marrë parasysh se e njëjta gjë pritet të ndodhë edhe në Season 4, lind pyetja se kur do të kemi mundësi të shohim teaser-in e parë për sezonin e ri të Apex Legends.
Për të arsyetuar më saktë rreth ardhjes së teasers për Season 4, fillimisht duhet të shohim se çfarë ka bërë Respawn me Season 2 edhe 3. Teaser-i i parë për Season 2 erdhi në formën e Leviathans që u afruan drejt Kings Canyon, tre javë përpara nisjes së sezonit. Një javë më vonë, Flyers u panë në hartë, të cilët mund të vriteshin për loot. Teaser-i i fundit erdhi një javë para nisjes së sezonit, kur kulla Repulsor filloi të rrotullohej dhe laptopi i Crypto u shfaq në hartë për herë të parë.
Edhe teasers në Season 3 ndoqën pak a shumë të njëjtën ide. Tre javë përpara fillimit, eventi i Crypto u zhvillua, në të cilin legjenda ende e pa zbuluar u përpoq të kontrollonte në mënyrë elektronike Kings Canyon. Teaser-i i dytë erdhi dy javë përpara nisjes, me Crypto që u shfaq për herë të parë në lojë. Megjithatë, ndryshe nga Season 2, nuk pati një teaser të tretë.
Sipas informacionit në Battle Pass, Season 3 pritet të mbarojë në 3 shkurt 2020, me Season 4 që do të nisë në 4 shkurt, datën ekzakte të një-vjetorit të Apex Legends.
Kjo do të thotë se Season 3 do të zgjasë 4 muaj, plot një muaj më shumë se sezonet e mpëarshme. Nëse përdorim të njëjtën llogari si më parë, pritet që teaser-i i parë për Season 4 në Apex Legends të vijë në 14 janar, 3 javë përpara nisjes së sezonit.
Për një shpjegim më të mirë vizual mund të ndiqni videon e mëposhtme.
Padyshim që këto janë vetëm spekulime bazuar në të shkuarën e Respawn, prandaj këto data mund të jenë të gabuara. Duhet marrë gjithashtu parasysh që për Season 1, Respawn postoi një teaser vetëm 4 ditë më parë, prandaj nuk i dihet se çfarë mund të ndodhë?