Krijuesi i PUBG largohet nga Krafton për të formuar një Studio të re

Brendan Greene, i njohur më mirë si  PlayerUnknown, ka njoftuar se do të largohet nga zhvilluesi dhe botuesi i PUBG Krafton për të krijuar studion e tij të pavarur, PlayerUnknown Productions. Greene është vlerësuar si pionier në zhanrin Battle Royale, pasi krijoi PUBG si një mod Arma, dhe më vonë e zhvilloi atë në një lojë të plotë me botuesin Krafton.

Në vitin 2019, Greene u transferua në Amsterdam për të krijuar PlayerUnknown Productions nën Korporatën PUBG të Krafton, duke u larguar nga zhvillimi në PUBG për të punuar në projekte të reja. Tani, PlayerUnknown Productions zyrtarisht do të ndahet nga Krafton për t’u bërë një studio e pavarur, me Krafton që mban një pjesë të vogël në studio. Projekti i parë i studios, Prologue, u njoftua në Game Awards 2019, megjithëse është e paqartë nëse projekti do të ndikohet nga ndarja e studios.

“Unë jam shumë mirënjohës për të gjithë në PUBG dhe Krafton për mundësinë që më dhanë gjatë katër viteve të fundit,” tha Greene në një deklaratë për shtyp. “Sot, jam i emocionuar për të hedhur hapin tjetër në udhëtimin tim për të krijuar përvojën që kam parashikuar prej vitesh. Përsëri, jam mirënjohës për të gjithë në KRAFTON për mbështetjen e planeve të mia dhe do të kem më shumë gjëra që do ti zbuloni rreth projektit tonë në një moment të dytë.”

Njoftimi për shtyp shton se ekipi në PlayerUnknown Productions “po eksploron sistemet e nevojshme për të mundësuar shkallë masive brenda lojërave open-world”.