Konfirmohen Warzone 2 dhe Modern Warfare 2

Infinity Ward konfirmoi para disa ditësh se një Call of Duty i ri do të vinte këtë vit i cili do të jetë ndryshe nga të tjerët. Dhe së fundmi Call of Duty sapo zbuloi se një lojë e re Warzone dhe Modern Warfare do të vijë së shpejti.

Sipas informacioneve që kemi, dimë që se Modern Warfare 2 do të jetë një sequel i lojës të suksesshme Modern Warfare të 2019 i cili ka shitur më shumë se 30 milion kopje dhe është popullor akoma sot e kësaj dite.

Loja e re do të zhvillohet në një engine të ri në të cilët kompania ka punuar për një kohë të gjatë sipas njoftimit të kryer. Infinity Ward kërkon që të përmirësojë eksperiencën e lojtarëve në të gjitha platformat e Call of Duty me engine e ri.

Përveç Modern Warfare 2, ky engine do të përdoret edhe për Warzone e re të cilën e kanë quajtur “një eksperiencë e re Warzone”. Ky engine do të lejojë që Warzone të funksionojë siç duhet me Mordern Warfare 2 pas problemeve të mëdha me engine e kaluar dhe integrimeve me lojërat e tjera si Vanguard dhe Black Ops Cold War.

Pritet që Warzone në engine e ri të jetë një eksperiencë ndryshe dhe më e përmirësuar nga ajo momentalja të cilën e kemi të mbushur plot me bugs dhe probleme. Pritet që lançimi i Modern Warfare 2 dhe Warzone 2 të jetë gjatë vjeshtës së këtij viti ose më vonë.