Këto janë lojërat falas në Epic Games Store për javën tjetër

Epic Games Store ka zbuluar dy lojërat falas që do të vijnë javën tjetër në platformën e saj. Dhe njëra prej këtyre lojërave është një aventurë horror dhe mister kurse loja tjetër është një aventurë co-op të cilën mund ta shijoni me miqtë tuaj.

Lojërat falas për javën tjetër në Epic Games Store janë Amnesia: Rebirth dhe Riverbond.

Amnesia: Rebirth është një aventurë horror first-person ku ju luani si një person i cili ka humbur kujtesën. Tashmë do t’iu duhet të zbuloni të shkuarën tuaj dhe se kush jeni dhe në të njëjtën kohë të mbijetoni në shkretëtirën algjeriane. Por kujdes në çdo veprim që bëni, vdekja dhe frika mund të jetë një lëvizje larg.

Riverbond është një lojë solo ose co-op ‘shoot-and-slash’ aventurë e cila mund të luhet deri në 4 lojtarë e vendosur në një botë pixel. Vetëm ose bashkë me miqtë tuaj, nisuni në një udhëtim heroik ku do të plotësoni misione, luftoni kundërshtarë të ndryshëm dhe të shkatërroni gjithçka që iu del para në “kuba të vegjël.” Eksploroni dhe argëtohuni me veçoritë e ndryshme që Riverbond ka dhe të mos harrojmë armët e larmishme që kjo lojë ka.

Amnesia: Rebirth dhe Riverbond do të jenë falas nga data 21 prill deri më 28 prill të vitit 2022. Ndërkohë hidhuni një sy lojërave falas për këtë javë dhe nxitoni që t’i merrni.