Më në fund, Sony po sjell Showcase e PlayStation 5 i cili do të zhvillohet më 9 shtator dhe pritet të zbulojë disa lojëra të rëndësishme për platformën. Por cilat janë lojërat të cilat mund të prezantohen?
Përveç lojërave si God of War Ragnarok, Gran Turismo 7 dhe Horizon Forbidden West, pritet që shumë lojëra të tjera të prezantohen gjatë Showcase të datës 9 shtator. Më poshtë do të gjeni lojërat të cilat priten të vijnë së shpejti.
Get a sneak peek at the future of PS5, with updates from PlayStation Studios and industry-leading devs. Hope to see you there!
— PlayStation (@PlayStation) September 2, 2021
Loja e parë Spider Man u lançua më 2018 dhe fansat e kanë pritur me padurim një sequel të kësaj loje. Dhe kjo gjë u shtua gjithmonë edhe më shumë pas Spider-Man Miles Morales. Sipas leaks që kemi, dimë që loja do të vijë më 2023.
Që prej largimit të Kojima nga Konami, Konami është përpjekur që ta mbajë serisë e Metal Gear gjallë dhe mesa duket disa thashetheme sugjerojnë se një remake i serisë mund të vijë së shpejti. Sipas informacioneve që kemi, dimë që loja mund të vijë në bashkëpunim me PlayStation.
PlayStation njihet për ri-lançimin e lojërave të saj duke sjellë versione të përmirësuara ose Director’s Cut siç ndodhi me Spider-Man ose Ghost of Tsushima. Dhe pas remake të Demon Souls, fansat e serisë Soul presin që loja e ardhshme remake për PS5 të jetë Bloodborne.
Pas “dështimit” që Days Gone pati, studio zhvilluese ka planifikuar që të sjellë një lojë të re dhe pritet që të jetë e ngjashme me atë të Days Gone. Pritet që loja e re të vijë gjatë këtij viti ose në fillim të vitit tjetër.
Dhe siç e përmendëm më sipër, PlayStation i bën shpesh lojërat e saj remake dhe besojmë se Last of Us do të marrë një remake duke përdorur engine e Last of Us 2.