Për lojën e re të shumëpritur Battlefiled 6, të zhvilluar nga DICE dhe EA ka kohë që po flitet tashmë.
Shumë të dhëna ose lajme që kanë dalë rreth lojës nuk kanë rezultuar të vërteta përveç atyre që publikohen nga Tom Henderson. Ai pretendon se loja është dizenjuar me një hartë për 128 lojtarë, dhe këto harta përmbajnë mjedise që shkatërrohen.
Edhe pse këto pretendime nga Tom Henderson nuk janë konfirmuar ende, duhet përmendur që shpesh lajmet e publikuara nga ai janë vërtetuar më pas. Kjo i ka shkaktuar atij dhe bllokimin e llogarise së tij në Twitter disa javë më parë dhe të gjitha videot e tij rreth Battlefield 6 janë fshirë nga kanali i tij në YouTube.
Se fundi ai ka shkruajtur që këtë vit Battlefield 6 do jetë një reboot. Loja zhvillohet 10 vite në të ardhmen, dhe Henderson e krahason punën e DICE me atë të Call of Duty: Black Ops 2. Meqënëse loja zë vend në të ardhmen në lojë priten shumë dronë, jets, helikopterë, tanke dhe armë të tjera të teknologjisë së lartë.
Henderson gjithashtu foli për një campaign “revolucionare” krahasuar me lojërat paraardhëse. Sipas tij lojtarët do mund të zgjedhin njësinë luftarake që duan te luajnë. Këtu perfshihen SHBA dhe Rusia, që do ofrojnë “të rekrutojnë” skuadrën tënde dhe i përgatit gjatë gjithë lojës. Duket se campaign i kësaj loje do jetë më shumë si co-op.
Sa për multiplayer, mund të jetë thjesht Battlefiled 3 “në steroide” ? Henderson thotë se loja e re do të përfshijë beteja “më të mëdha dhe më të mira”, me battle royale që mund të vijë më vonë.