Studio e re e Bethesda quhet Roundhouse
Studio e re e Bethesda quhet Roundhouse
Bethesda ka krijuar një studio të re të quajtur Roundhouse, duke shpëtuar stafin e studios së mbyllur kohët e fundit, Human Head. Studio e re do të mbetet në Madison, Wisconsin në SHBA, me shumë punonjës të Human Head që do kalojnë në Roundhouse, përfshirë këtu drejtuesin Chris Rhinehart.
Bethesda tha se zhvilluesit e rinj po punojnë për projekte që ende nuk janë zbuluar, për të cilat nuk dihet asgjë.
“Fatkeqësisht, duhet ta mbyllnim Human Head Studios, gjë e cila na trishtoi duke parë pasionin dhe kreativitetin e ekipit,” – tha Rhinehart. “Folëm me miqtë tanë të Bethesda për ndihmë dhe ata panë të njëjtin kreativitet dhe pasion në ekipin tonë. Me krijimin e Roundhouse Studios, Bethesda i dha çdo punonjësi të Human Head një pozicion në kompaninë e re. Jemi shumë entuziastë që ekipi do të vazhdojë së bashku, duke bërë punën që ne duam në një kompani të njohur“.
Human Head ishte një kompani indie e cila krijoi pre dhe gjithashtu ndihmoi në krijimin e Brink, The Quiet Man dhe serisë Rune. Loja më e fundit e serisë, Rune 2, u lançua në 12 nëntor dhe rrjetet e tyre sociale janë ende aktive, gjë që do të thotë se mbyllja e studios ishte diçka e papritur.
Todd Vaughn, zv. presidenti i zhvillimit në Bethesda tha: “Edhe pse na vjen keq për sfidat e tyre si Human Head Studios, ne ishim entuziastë për mundësinë për të sjellë të gjithë ekipin nën emrin e Bethesda. Jemi të lumtur që stafi do të mbetet së bashku dhe tashmë është pjesë e familjes Bethesda“.
Bethesda kishte tentuar dhe më herët të blente Human Head shumë vite më parë pas një problemi me kontratën, por kjo nuk u konfirmua nga asnjë palë. Tashmë, kompanisë e re nga Human Head, Roundhouse, është tërësisht pjesë e Bethesda.