Loja do të vijë këtë verë në konsolë
Loja do të vijë këtë verë në konsolë
Dungeon crawler-i shumëngjyrësh i Cococucumber, Riverbond do të vijë zyrtarisht në PS4, siç u lajmërua në State of Play-n e zhvilluar së fundmi. Ndërkohë që në të kishte plot lajmë të mëdha si remake-t e Final Fantasy VII dhe MediEvil, gjithashtu u dhanë infromacione mbi plot lojëra më të vogla që do të vijnë në Playstation 4 më vonë gjatë këtij viti, ndër të cilat ishte dhe Riverbond. Cococucumber na tregoi shumë xhirime të reja nga loja si dhe surpriza të tjera në trailer.
Gjatë transmetimit, një gameplay trailer i Riverbond u shfaq, i cili bashkonte grafikat plot ngjyra e gjallëri me plot voxels (mendoni këtu blloqet e Minecraft) në një dungeon crawler, ku ju mund të ndërtoni një ekip prej katër lojtarësh për të mposhtur përbindësha në mjedise nga më të ndryshmet. Trailer-i i kushtoi më shumë rëndësi grafikave të lojës, të cilat pritet të jenë tërheqja kryesore e lojtarëve të Riverbond, por dhe gameplay klasik i lojës i stilit hack-and-slash.
Përveç gameplay-t, trailer-i gjithashtu vuri në dukje disa prej skin-eve që do të përdoren nga lojtarët, të cilat mesa duket janë të frymëzuara nga lojëra të tjera indie. Tetë skin-e u shfaqën në trailer, nga lojëra si Bastion, Psychonauts, Shovel Knight, Enter the Gungeon, Guacamelee!, Knights & Bikes, Planet of the Eyes dhe Lovers in a Dangerous Spacetime, duke ju dhënë lojtarëve të këtyre lojërave të famshme indie një shtysë për të provuar Riverbond.
Më poshtë mund të ndiqni trailer-in e lojës, e cila do të vijë në PC dhe PS4 këtë verë: