Këto janë lojërat e reja që do të vijnë këtë tetor

Tetori sjell Call of Duty, Ghost Recon dhe më shumë

Tetori më në fund ka ardhur dhe shumica prej jush janë duke pyetur veten se cilat janë lojërat më të mëdha që do të vijnë këtë muaj. Duke parë se vjeshta tashmë ka ardhur, ky muaj do të ketë disa lojra të mëdha nga disa prej serive më të njohura të industrisë së gaming. Mund të prisni lojëra si Call of Duty: Modern Warfare, Tom Clancy’s Ghost Recon Breakpoint dhe Luigi’s Mansion 3.

Përveç këtyre emrave të mëdhenj, kemi dhe expansions të rinj, lojëra indie dhe rilançime lojërash. Dikush mund të dojë të harxhojë qindra orë në The Witcher 3: Wild Hunt ose Overwatch të cilat do të vijnë në Nintendo Switch. Loja e shumëpritur indie Indivisible gjithashtu mund t’ju tërheqë. WWE 2K20 gjithashtu pritet të vijë këtë tetor me shumë mundës për të zgjedhur. Nëse ju pëlqen Destiny 2, mbase këto lojëra nuk kanë aspak rëndësi, pasi ju do të dëshironi të luani expansion-in e ri Shadowkeep për pjesën e mbetur të vitit. Gjithashtu versioni falas i lojës New Light ka ardhur, që të jep mundësinë të luash pa paguar asnjë cent.

Padyshim që ky tetor sjell shumë lojëra, dhe nëse doni të dini se kur dhe në çfarë platforme do të lançohet çdo lojë, jeni në vendin e duhur. Më poshtë mund të shikoni listën e plotë të të gjitha lojërave të cilat pritet të lançohen në tetor të 2019.