Global Game Jam vjen për herë të parë në Shqipëri në Epitech Balkans

GameON Albania do të jetë gjithashtu aty!

Nga 31 janari – 2 shkurt, në Epitech Balkans do të zhvillohet Global Game Jam 2020 Albania, një event ku do të mblidhen së bashku të gjithë të apasionuarit dhe të talentuarit në fushën e zhvillimit të lojërave dhe e cila po organizohet në mbarë botën.

Në Global Game Jam, pjesëmarrësit do të kenë mundësi të punojnë së bashku për 48 orë për të krijuar një lojë të vogël sa më inovative dhe interesante. Ata do të njihen me zhvillues të tjerë, do të shkëmbejnë ide dhe do të zhvillojnë më tej aftësitë e tyre nëpërmjet videolojërave.

Global Game Jam është një prej eventeve më të mëdha në botë të këtij lloji, i sponsorizuar nga kompani dhe organizata mjaft të njohura si Microsoft, Facebook, Unreal Engine, Sony Interactive Entertainment, Valve dhe më shumë.

Pjesëmarrja në këtë event është tërësisht falas dhe kushdo mund të marrë pjesë, pavarësisht eksperiencave të tyre të mëparshme dhe background-it të tyre, në mënyrë që të krijimi dhe zhvillimi i videolojërave të përhapet globalisht.

Për të marrë pjesë në Global Game Jam 2020, mund të regjistroheni këtu.