Fansat e Hogwarts Legacy po shprehin shqetësimin e tyre se RPG-ja e ardhshme e Harry Potter do të anulohet në PlayStation 4 dhe Xbox One përpara lançimit të tij më vonë këtë vit.
Në rast se e keni humbur, Warner Bros njoftoi dje se loja e WB. Montreal Batman Gotham Knights nuk do të lançohej më në konzolat e gjeneratës së vjetër. Në vend të kësaj, loja aksion DC online do të fokusohet në PlayStation 5, Xbox Series X/S dhe PC. Kjo, konfirmoi Warner Bros, është për t’u dhënë lojtarëve “eksperiencën më të mirë të mundshme”.
Në mënyrë të parashikueshme, kjo ka shkaktuar disa shqetësime se Warner Bros. do të shpallë një fat të ngjashëm për versionet PlayStation 4 dhe Xbox One të Hogwarts Legacy.
Në subreddit të lojës, fansat po diskutojnë mundësinë që Harry Potter RPG të hiqet për konzolat e last gen. Në këtë fazë, është e rëndësishme të theksohet se Warner Bros. nuk ka dhënë absolutisht asnjë tregues se Hogwarts Legacy do të jetë ekskluzive për pajisjet e next gen. Dhe siç kanë theksuar të tjerët, Hogwarts Legacy ka një gjë që Gotham Knights nuk e kishte kurrë: një version Nintendo Switch.
Hogwarts Legacy u konfirmua të lançohej në Nintendo Switch së bashku me platformat e konfirmuara më parë në mars të këtij viti. Ndonëse nuk e kam idenë se çfarë magjie e zezë po përdoret për ta futur lojën në pajisjen e Nintendo-s, nuk mund ta imagjinoj për asnjë sekondë që Warner Bros. do të kishte shpallur një version Switch kaq shumë kohë pas shpalljes origjinale të lojës.
Dhe nëse Hogwarts Legacy mund të funksionojë në një Switch? Mund të funksionojë patjetër në një PlayStation 4 ose Xbox One. Përfundimi këtu, është se ne nuk kemi absolutisht asnjë arsye për t’u shqetësuar tani.
Hogwarts Legacy aktualisht po synon një lançim afër festave në fund të 2022, që do të thotë se ka të ngjarë të arrijë në çdo kohë midis tetorit dhe dhjetorit.