Duket sikur Verdansk, harta e parë e madhe në Warzone po përfundon më në fund kur Season 2 të përfundojë në prill. Duke gjykuar nga thashethemet që po qarkullojnë, mund të themi që kjo harte do të zëvendësohet nga një harte e re e cila do të prezantohet së shpejti.
Raven Software dhe Infinity Ward, zhvilluesit e lojës, kanë bërë një përpjekje për të lidhur së bashku historitë e Cold War, Zombies dhe Warzone. Verdansk bazohet në historinë e Modern Warfare dhe aktualisht është 37 vjet përpara historisë së Cold War. Ekziston mundësia që harta e ardhshme e Warzone të kthejë lojtarët pas në kohë për të sinkronizuar lojërat pjesëmarrëse të saj.
Ka patur spekulime se harta e re mund të vinte në Warzone përpara përvjetorit të parë të saj i cili është në 10 mars. Por kjo nuk ka gjasa të ndodhë për shkak të ndryshimeve të fundit në Season 2 i cili prezantoi disa nukes të tjera në hartë dhe gjithashtu edhe zombies për hera e parë.
Harta e re e Warzone ka të ngjarë të dalë në 22 prill dhe kjo është e njëjta ditë kur përfundon Season 2. Zhvilluesit e lojës kanë futur më parë ndryshimet e hartave në Verdansk në mes të sezonit, por një hartë e re sigurisht do të jetë pika kryesore e Season 3. Disa burimet tregojnë se harta e re është dashur të nisë gjatë datës së lançimit të Black Ops Cold War, por disa faktorë bënë që lançimi i hartës të shtyhej.
Thashethemi mbizotërues për momentin është se harta e re në Warzone do të duket se do të lidhet me cilindo lojë të fundit të serisë Call of Duty. Duke pasur parasysh përpjekjet e zhvilluesve për të përfshirë historitë nga tre lojërat e fundit Call of Duty, duket se harta e re do të vendoset në vitet ’80.
Ndërsa Verdansk bazohet në hartat në Modern Warfare, fansat presin që harta tjetër Warzone të bazohet në historinë e Black Ops. Leaker i Call of Duty, ModernWarzone, ka deklaruar se Zoo nga Black Ops ka të ngjarë të bëjë një paraqitje në hartën e re të Warzone.
Sapo harta e re të prezantohet në prill, nuk ka gjasa që Verdansk të jetë pjesë e lojës për disa kohë. Warzone lejon lojtarët të zgjedhin midis hartës së vogël të Rebirth Island dhe hartës më të madhe Verdansk në varësi të llojit të përvojës që dëshirojnë të kenë lojtarët. Nuk ka asnjë arsye pse zhvilluesit nuk mund të kishin të dy hartat. Verdansk mund të bëjë një kthim në të ardhmen, por vetëm kur të fillojë loja tjetër Modern Warfare.