Gjithmonë lojtarët e lojërave open-world pyesin për madhësinë e hartës në mënyrë që të dinë se sa shumë kanë për të eksploruar. Teksa Ubisoft konfirmoi se harta e Far Cry 6 do të jetë me e madhja e çdo loje Far Cry, një detaj i zbuluar së fundmi mund të na tregojë mëdhësinë e vërtetë të kësaj harte.
Një përdorues i Reddit ishte i aftë që të gjente një screenshot e cila tregonte hartën e plotë Far Cry 6. Pjesë të ndryshme të hartës së Far Cry 6 janë shfaqur edhe në trailer e mëparshëm por të cilët thjesht tregonin pjesë të vogla.
Harta në fjalë tregon të gjithë rajonin që do të keni mundësi të eksploroni dhe mund të dallojmë qartë se ju do të keni mundësinë që të eksploroni katër zona të ndryshme të cilat do t’iu ofrojnë varietete të ndryshme mjedisesh. Gjithashtu ju do të keni mundësinë që të eksploroni edhe një ishull më jugperëndim i cili duket tepër interesant.
Është akoma e vështirë që të dimë përmasat e sakta të kësaj harte por duke marrë parasysh fjalët e Ubisoft dhe detajet e reja, besojmë se Far Cry 6 do të na sjellë një hartë të madhe me biome të ndryshme dhe që do të lejojë të eksplorojmë vende të ndryshme të saj. Kjo na ngelet ta zbulojmë kur Far Cry 6 të lançohet më 7 tetor.