Me afrimin e përvjetorit të tetë të Grand Theft Auto V, fansat që po presin një njoftim në lidhje me Grand Theft Auto 6 po shtohen çdo ditë edhe më shumë. Shumë leaks po qarkullojnë rreth hartës dhe protagonistëve por një leak i ri na tregon se GTA 6 mund të zbulohet brenda një loje tjetër.
Një leak i cili po qarkullon në 4chan dhe që është zbuluar nga Reddit dhe TweakTown na jep informacionet se një update i ri do të vijë për GTA V dhe se do të jetë një platformë për të zbuluar GTA 6.
Përveç kësaj, ky leak tregonte edhe shumë informacione të tjera. RAGE Engine do të rizhvillohet plotësisht nga fillimi duke iu mundësuar veprime më realistike, AI të përmirësuar, suport për VR dhe më shumë. Gjithashtu Online i lojës do të ketë evente të ndryshme live të ngjashme me ato të Call of Duty: warzone dhe Fortnite.
Akoma nuk dihet nëse ky leak është i vërtetë pasi 4chan njihet për qarkullimin e shpeshtë të leak të rremë por një event brenda në lojë është diçka e cila është e pritshme të vijë në lojë.