‘GTA 6’ ka vetëm një qëllim të rëndësishëm, thotë Rockstar Games

GTA VI është loja që i mban fansat zgjuar natën. Nuk është befasuese, duke pasur parasysh se është vazhdimi i një prej videolojërave më të suksesshme të krijuara ndonjëherë, dhe na u desh të prisnim tetë vjet vetëm që Rockstar Games të njoftonte se është në zhvillim e sipër.

Me Rockstar që tani e zhvendos plotësisht fokusin e tij në zhvillimin e GTA VI, mund të supozojmë se loja ndoshta do të “lëshohet këtë dekadë.” Sigurisht, ndoshta nuk ka nevojë t’ju themi se sa më gjatë të jemi të detyruar të presim, aq më shumë lojtarë do të bindin veten e tyre që GTA VI do të jetë loja më e mirë që është lançuar ndonjëherë.

Është një presion që vetë Rockstar ka filluar me të vërtetë të ndiejë. Në fund të javës së kaluar Rockstar më në fund konfirmoi zyrtarisht atë që ne e kemi njohur prej kohësh: se po largohet nga updatet kryesore për Red Dead Online.

Duke e shpjeguar këtë në mënyrë që ekipi të mund të përqëndrohet në Grand Theft Auto të ri, Rockstar pranoi se e kupton “më shumë se kurrë nevojën për të tejkaluar pritshmëritë e lojtarëve dhe që GTA VI të jetë më e mira që mund të jetë”.

Po kur do ta shohim në të vërtetë GTA VI? Epo, ky është supozimi i kujtdo në këtë pikë. Analistët, të supozuar të brendshëm kanë insistuar diku nga viti 2023 deri në vitin 2026. Thjesht nuk e dimë ende dhe do të duhet të presim që Rockstar të na njoftojë kur të jetë gati për të na treguar se për çfarë po punon.