Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rezulton se Grand Theft Auto 6 në zhvillim mund të mos jetë në fakt loja tjetër Grand Theft Auto që do të lëshohet
Fansat kanë pritur me durim (pak a shumë) vazhdimin e GTA V për gati dhjetë vjet tani, dhe ne ende nuk e kemi idenë se për çfarë është loja, si duket ose kur do të vijë. Vetëm disa muaj më parë Rockstar Games konfirmoi në të vërtetë se loja ishte në zhvillim.
Ndërsa mund të supozojmë/shpresojmë se GTA VI do të lançohet në vitet e ardhshme, një raport i ri sugjeron që ne do të marrim një tjetër remaster/remake përpara se të vijë Grand Theft Auto 6.
Fansat padyshim që do ta kujtojnë vitin e kaluar me lançimin katastrofik të Grand Theft Auto: The Trilogy – Definitive Edition, një përmbledhje e keqe e remasters që ia doli të prishë gjithë trashëgiminë e GTA III, Vice City dhe San Andreas.
Për të mos u penguar nga reagimet jashtëzakonisht negative për ato lojëra, duket sikur Rockstar tani po planifikon një kthim në Liberty City nëpërmjet një remaster të GTA 4. Xfire raporton se remake në zhvillim do të “përmbahet në një paketë me dy lojëra të tjera GTA, të cilat mund të jenë shumë mirë dy expansions e shkëlqyera të lojës origjinale.
Ky nuk është lajm i konfirmuar, kijeni parasysh këtë, por, kjo nuk është hera e parë që kemi dëgjuar për një remaster të GTA IV. Sipas përdoruesit të Twitter @RalphsValve, një burim tipik i besueshëm i cili zbuloi shumë informacione për Call of Duty vitin e kaluar, një version krejt i ri i GTA IV do të dalë në 2023.
Duke pasur parasysh fluksin e papritur të remakes dhe remasters të Rockstar, nuk do të habiteshim të shihnim dhe GTA 4 të marrë të njëjtin trajtim. Le të shpresojmë që nëse e bëjnë, të mos jetë aq skandaloze sa GTA Trilogy e vitit të kaluar.
