GTA 5 performon më mirë në PS5 se sa në Xbox Series X

Duket sikur versioni PlayStation 5 i Grand Theft Auto V performon më mirë se versioni Xbox Series X|S. Remaster-i i ri i GTA 5 i jep lojës një buff me një rritje të shpejtësisë së FPS, rezolucion 4K dhe të gjitha llojet e efekteve të reja për t’i luajtur lojtarët e konsolës.

Lojtarët e PS5 gjithashtu përfitojnë nga veçoritë e reja specifike të DualSense, të tilla si dridhjet dhe reagimet që ndikohen nga moti dhe kushtet e rrugës, ndër të tjera. Remaster ofron disa përditësime të përgjithshme, por nuk është aq shumë magjepsëse dhe nuk është aq i madh sa ri-lançimi i parë i lojës.

Sidoqoftë, duket se disa njerëz mund të kenë një përvojë më të mirë me lojën në varësi të platformës së tyre. Një video e re nga kanali YouTube ElAnalistaDeBits krahasoi versionet e ndryshme të lojës krah për krah dhe zbuloi se versioni PS5 i GTA V është dukshëm më i mirë se versioni Xbox Series X|S.

Jo vetëm që loja duket më sharp dhe përgjithësisht pak më e detajuar në PS5, por shpejtësia e FPS gjithashtu qëndron në kushte kërkuese. FPS në PS5 mbetet e qëndrueshme, duke humbur vetëm disa frames në momente veçanërisht shpërthyese, ndërsa versioni Xbox Series X|S bie nga 60 FPS në 40 FPS. Edhe pse loja duket ende e mirë në konsolat Xbox, versioni PS5 duket të jetë teknikisht më mbresëlënës nga të dy.

Përveç kësaj, lojtarët e PS5 marrin falas GTA Online për tre muajt e parë. Lojtarët mund ta mbajnë edhe pas përfundimit të kësaj prove free-trial, kështu që ky është vetëm një bonus tjetër për lojtarët e PlayStation. Nuk është saktësisht e qartë se çfarë po i shkakton këto lloj mospërputhjesh midis PS5 dhe Xbox, veçanërisht sepse Xbox Series X është reklamuar si konsola më e fuqishme e bërë ndonjëherë, por është një krahasim interesant.