Kërkimi i fjalëve kyçe si “Warzone cheats” ose “Warzone hacks” do të shfaq në Google reklama të paguara nga ku lojtarët mund të blejnë software të palëve të treta si aimbots dhe wallhacks për të bërë gjëra të palejueshme në Verdansk.
Natyrisht mund të mendoni që kjo s’përbën problem pasi kërkimet në Google supozohet se tregojnë reklama të bazuara në kërkime, por situata e përmendur me COD: Warzone në të vërtetë shkon kundër politikave të vetë Google.
Sipas politikave të Google AdSense, “produktet ose shërbimet që janë krijuar për të mundësuar sjellje të pandershme” janë rreptësishtë të ndaluara. Shembuj të postuar nga Google me një përmbajtje të tillë përfshijnë “software ose udhëzime hack-imi dhe shërbime cheating”, e cila mbulon shumë cheating të Warzone, prandaj, Google nuk duhet t’i reklamojë kurrë ato në radhë të parë.
Google nuk është i vetmi. Cheaters kanë bërë streaming në Facebook që nga fillimi i vitit. Facebook Gaming në fakt është shpallur fajtorë për promovimin e cheats-ave më të njohur të Warzone.
Muajin e kaluar, zhvilluesi Raven Software njoftoi se do të rriste përpjekjet anti-cheat pasi komuniteti Call of Duty pati një numër të shtuar të cheaters-ave pas publikimit të COD: Black Ops Cold War. Njoftim i ngjashëm u dha nga Activision gjithashtu, duke thënë se do të përmirësonte anti-cheat-in ekzistues të Warzone për zbulime të përmirësuara të cheating së bashku me masa të tjera të sigurisë.
Konkretisht, një cheat i ri i Warzone u raportua se ishte në treg gjatë fundjavës, i cili u përdor nga lojtarët për të përfunduar ndeshjet më herët se normalisht. Edhe me mbi 12 lojtarë të mbetur, cheat-i në një farë mënyre shkakton që loja të mbarojë para kohe me fituesin, që është pa diskutim lojtari që përdori cheat-in.