Epic Games po padit Apple për shkurtime pagese “shtypëse” nga App Store.
Historia e Fortnite në pajisjet Apple iOS vazhdon ndërsa gjyqi Epic Games vs Apple do të fillojë në 3 maj 2021 dhe rezultati do të përcaktojë të ardhmen e Fortnite në platformën mobile të Apple. Gjatë gjyqit, Epic Games do të përpiqet të bindë gjyqtarin se platforma e Apple dëmton zhvilluesit duke u ofruar atyre vetëm një sistem të vetëm transaksioni, nga i cili Apple merr një përqindje shumë të madhe, konkretisht 30%.
Në gusht të vitit 2020 Apple largoi Fortnite nga App Store pasi Epic shtoi një metodë të re pagese që eliminoi tarifën e Apple. Epic më pas ngriti një padi kundër Apple, duke pretenduar se prerja e 30% është “e padrejtë dhe anti-konkurruese”.
Siç mund ta shikoni, ata gjithashtu patën kohë t’i bënin një goditje të pacipë Apple-it me parodinë e tyre Nineteen Eighty-Fortnite të reklamës ikonike të Apple të Macintosh në 1984, shoqëruar nga eventi #FreeFortnite, e cila prezantoi lëkurën e ‘Tart Tyrant’. Dhe e gjitha kjo ndodhi në një ditë të vetme.
Gjyqi do ta shohë Apple të mbrohet kundër pretendimeve të Epic, duke u përpjekur të provojë se çmimet e saj të App Store janë të drejta dhe në të vërtetë jo anti-konkurruese.
Gjykatësi Gonzalez thotë se çështja është mjaft e rëndësishme për të garantuar një gjyq në gjykatë, por nëse vazhdon të rritet numri i të prekurve me COVID sidoqoftë, gjyqi do të zhvillohet përmes Zoom.
CEO i Epic, Tim Sweeney, kohët e fundit ka qenë shumë vokal duke akuzuar Apple në Twitter. Apple nuk ka dhënë deklarime, por sipas gazetave ka thënë se metoda e pa aprovuar e pagesës nga ana e Epic ishte “sjellje e pamatur”.