Së fundmi Ubisoft prezantoi sezonin e ri në Rainbow Six Siege i cili quhet Crystal Guard dhe sjell një operator të ri dhe plot ndryshime në mekanika, operatorë dhe sisteme të ndryshme të lojës.
Ndër gjërat kryesore që po vjen me Operation Crystal Guard është operatori i ri i quajtur Osa e cila është nga Kroacia dhe është pjesë e Nighthaven CTU. Ajo vjen me mburojë të tejdukshme të quajtur Talon Shield të cilën mund ta mbani në dorë ose ta bëni deploy në vende të ndryshme ose dyer dhe dritare.
Osa do të jetë një operator 2 Speed 2 Armor dhe do të ketë si armë primare AR 556XI ose SMG PDW9. Armë sekondare do të ketë pistoletën ruse PMM. Gjithashtu ajo do të ketë smoke grenades dhe claymore ku mund të zgjidhni ndërmjet tyre në varësi të situatës.
Një skin i ri Elite do të vijë gjatë Y6S3 i cili do të jetë për operatorin Lion. Elite Skin do të jetë i frymëzuar nga seria Resident Evil dhe i bazuar në Leaon S Kennedy. Kjo nuk është hera e parë që Rainbow Six Siege sjell skins nga Resident Evil pasi para disa kohësh solli skin e Jill Valentine për Zofia.
Gjithashtu gjatë këtij operation do të vijnë reworks për tre operatorë të ndryshëm. Tashmë drone i Twitch do të mund të kërcejë si drone normal dhe nuk do të ketë një limit largësie kur gjuan. Gjithashtu tashmë gjatë preperation phase, Twitch do të përdor një dron normal në vend të droneve të saj duke ulur rrezikun e humbjes së tyre.
Tashmë cluster charges e Fuze do të mund të përdoren edhe në mure të bërë reinforce me një kohë më të gjatë aktivizimi. Kurse IQ tashmë mund të identifikojë pajisjet që detekton me pajisjen e saj dhe gjithashtu t’i bej ping.
Bashkë me ndryshime tek operatorët, vijnë edhe ndryshime tek armët. AK-12 e Fuze dhe Ace do të marrë një nerf të madh për sa i përket recoil kurse G36C do të ketë vetëm optika 1x pasi scope 2x do të hiqet.
Dhe një ndryshim të cilin nuk e prisnim është se Sledge do të humb SMG-11 të cilën e përdorte si armë sekondare.
Tre nga hartat kryesore të Rainbow Six Siege do të pësojnë ndryshime. Këto ndryshime do të vijnë në Coastline, Bank dhe Clubhouse të cilat do të përmirësohen në shumë aspekte të ndryshme dhe do të ndryshojnë disa nga pozicionet e vendndodhjeve të bombave.
Ndryshime në gameplay do të vijnë gjithashtu. Stun grenades do të pësojnë një rework duke ndryshuar efektin e saj. Tashmë në momentin që do të goditeni nga një stun grenade, ju do të qëndroni stun në varësi të largësisë dhe pozicionit të stun grenade.
Tashmë ju mund të zgjidhni headgear dhe uniforms nga skins të ndryshëm duke përfshirë këtu edhe Elite Skins. Dhe për të eliminuar kamuflazhet nëpërmjet skins, një “ndriçim i lehtë” do të mbulojë cdo operator duke e bërë atë më të dallueshëm. Gjithashtu sistemi i ri i health dhe armor i testuar gjatë Y6S2 do të vijë plotësisht në lojë.
Nëse doni të mësoni më shumë rreth operatorit të ri dhe Operation Crystal Guard, klikoni këtu.