Closed Beta e Tom Clancy’s Ghost Recon: Frontline u zhvillua gjatë fundjavës që kaloi duke iu dhënë mundësinë disa lojtarëve që të provojnë battle royale e ri të Ubisoft. Dhe sipas tyre dhe shumë insiders, Frontlitne është një “kopje” e Warzone.
Që prej lançimit të trailer gjatë vitit të kaluar, Ghost Recon Frontline ka marrë goxha komente negative nga fansat duke e quajtur si një battle royale kopje të Warzone pa asnjë gjë të veçantë. Kjo bëri që Ubisoft të vononte lançimin e lojës e cila na la të mendonim se Ubisoft do të merrte feedback nga komuniteti dhe do të përmirësonte lojën.
Por sipas insider të famshëm Tom Henderson, Ghost Recon Frontline gjatë Closed Beta ishte një “kopje pothuajse identike” duke e gjuajtur “carbon copy of Warzone”. Henderson gjithashtu shton se loja ka të njëjtat animacione, audio, gameplay dhe më shumë duke e mbyllur me se asgjë inovative ishte shtuar.
I njëjti opinion vjen nga një tjetër beta tester që ka provuar lojën dhe i cili ka shprehur opinionin e tij në Reddit. Sipas tij Ghost Recon Frontline ishte si një miksim i lojërave të famshme shooter por në mënyrën më të keqe të mundshme.
Loja është akoma në beta dhe besojmë se është goxha larg produktit përfundimtar, shpresojmë se Ubisoft do të sjellë përmirësime në Ghost Recon Frontline dhe t’i surprizojë fansat e saj.