Genshin zbulon karakterin e ri të quajtur Heizou

Gjatë çdo update që Genshin Impact sjell në lojë, kemi pothuajse një ose më shumë karaktere të reja dhe kësaj here Genshin ka zbuluar karakterin e tyre më të ri.

Kësaj here karakteri i ri që do të vijë është detektivi Shikanoin Heizou të cilin e kemi hasur goxha herë si emër në lojë por sot e shohim për herë të parë. Gjithashtu emri i tij është shfaqur goxha herë nëpër leaks ku është spekuluar edhe elementi dhe arma që do të ketë.

Deri më tani dimë me siguri që ky karakter do të jetë anemo por akoma nuk dimë se çfarë armë do të ketë. Sipas leaks dhe informacioneve që kemi, Heizou do të jetë karakteri i parë mashkull në lojë që përdor catalyst por akoma kjo gjë nuk është e verifikuar.

Detaje të reja priten të zbulohen në vijim. Gjithashtu dimë se Shikanoin Heizou nuk do të vijë në update e radhës i cili është vonuar por në atë pasardhës.