Hidhini një sy këtij Gameplay të NBA 2K22

Jemi një javë larg nga data e lançimit të NBA 2K22, dhe gjatë kohës që prisnim, kemi mësuar shumë detaje se çfare do të përfshihet në lojë. Do të ketë një WNBA mode të zgjeruar sëbashku me disa detaje të shtuara nga ana e vajzave. Harta e Neighborhood do të duket Akoma më bukur, por kjo në varësi të consolës që do jeni duke luajtur.

Gjithashtu loja ka filluar të llogarisë dhe shumë ratings të lojtarëve duke ngjallur shumë debate, por kjo nuk ka aq shumë rëndësi sa Gameplay i lojës. Ankesat e zakonshme për lojërat e sportit janë sa i përket kohës që zhvilluesit shpenzojnë me detaje të parëndësishme në vend që të punojnë me gameplay, një monotoni në career mode dhe storyline. Të hënën, 2K i tregoi të gjithëve një pjesë nga Gameplay i NBA dhe WNBA në një trailer me detaje për sa i përket lançimit.

Një vështrim i përafërt me përshtypjet e shikuesve tregon se jo të gjithë janë të kënaqur me trailerin. Shumë prej tyre vunë re një glitch teksa Lonzo Ball shfaqej si lojtar i Pelicans dhe i pason topin Luka Doncic. Sigurisht që të zhvillosh një loje sporti nuk është aspak e lehtë në aspektin e imitimit të jetës reale, por çfarë i acaron më  shumë lojtarët është fakti se i njëjti problem shfaqet vit pas viti. Gjithsesi, një trailer loje nuk na tregon asgjë sa i përket lojës në brendësi, kështu që na mbetet për ta parë ditën e lançimin zyrtar.