Teksa e gjithë vëmendja e fansave të lojërave racing është tek loja e re e serisë Forza Horizon 5, Ubisoft tërheq vëmendje duke sjellë një ndër lojërat e saj racing falas.
The Crew 2 është falas për t’u shkarkuar dhe luajtur që prej datës 8 deri më 12 korrik për të gjithë lojtarët në PS4, PS5, PC, Xbox One, Xbox Series X|S dhe Stadia. Ju mund të nisni ta shkarkoni lojën më 6 korrik por nuk do të mund ta luani atë deri më 8 korrik kur periudha që loja është falas të nisë.
Fundjavat falas janë një mënyrë e mirë për të provuar lojërat e reja dhe për t’i shtyrë lojtarët të cilët i pëlqejnë që t’i blejnë. Në rastin e Crew 2 ju do të mund të eksploroni një botë open-world me çfarëdo mjeti që dëshironi dhe gjithashtu episodin më të fundit të US Speed Tour East.
Dhe mos harroni të provoni edhe modes PvP ose grupet Crew në multiplayer. Gjithashtu nëse doni që ta blini, ju mund ta gjeni The Crew 2 me 80% ulje gjatë kësaj periudhe e cila është një ofertë tepër e mirë dhe nuk duhet ta humbni.