Fortnite do të sjellë një event të NBA bashkë me një LeBron James skin

Epic Games ndau një prezantim të brendshëm që zbuloi se Fortnite do të sjellë  plot bashkëpunime, skin dhe modes të reja loje. Ndërsa gjyqi Epic kundër Apple vazhdon, zhvilluesi i lojës ka ndarë një përmbledhje të biznesit nga qershori 2020, duke përshkruar gjendjen aktuale të battle royale, planet e ardhshme dhe përparësitë strategjike. Një nga ndryshimet më interesante dhe inovative që zhvilluesit kanë planifikuar është një partneritet me NBA.

Prezantimi përmbante përshkrimin e një projekti i quajtur “basketboll arcade” ku lojtarët do të garonin në një mini-lojë që është krejtësisht e ndarë nga battle royale. Jo vetëm që tifozët e Fortnite do ta merrnin këtë modes loje, por edhe  një gamë emocionesh, ngjarjesh, madje dhe shfaqjesh pas ndeshjes NBA brenda lojës. Ndoshta më emocionuesja për lojtarët e Fortnite është mundësia e një LeBron James skin.

Ndërsa Epic nuk ka bërë ndonjë koment publik që nga zbulimi i dokumentit, botimet kanë vërejtur se shumë ngjarje të tjera në prezantim kanë arritur të realizohen, duke përfshirë Marvel dhe Neymar. Kjo e bën shumë të mundshme që eventi NBA të jetë një mundësi e madhe. Sigurisht, asgjë nuk është konfirmuar nga Epic Games deri më tani.