Fortnite Mobile | Fortnite mund të rikthehet në iPhone

Fortnite po kthehet në iOS përmes platformës së lojërave cloud të Nvidia GeForce Now më shumë se një vit pasi u hoq nga App Store i Apple. Për të qenë të qartë në fillim, ju ende nuk mund ta shkarkoni Fortnite nga App Store.

Mosmarrëveshja midis Apple dhe Epic Games arriti në një lloj përfundimi në shtator, kur një gjykatës vendosi në favor të Apple në 9 nga 10 akuzat pas një gjyqi në maj, por Fortnite mbetet i ndaluar nga App Store. Megjithatë, duke filluar nga java e ardhshme, lojtarët që kërkojnë të luajnë Fortnite në iPhone ose iPad të tyre thjesht mund ta marrin me stream lojën nga Safari duke përdorur platformën e lojërave cloud të Nvidia GeForce Now.

Sot, Nvidia dhe Epic njoftuan se do të punonin në një “version touch-friendly Fortnite” për tu luajtur në stream në pajisjet mobile përmes cloud. Closed Beta e përkohëshme fillon javën e ardhshme në iOS dhe Android dhe ju mund të regjistroheni që tani për një shans për t’u përzgjedhur për beta.

Kapitulli 3 i shumëpritur i Fortnite u shfaq në dhjetor me një mori ndryshimesh dhe shtesash të mëdha, duke përfshirë një hartë krejtësisht të re, një arsenal të ri armësh dhe materialesh harxhuese, kamping dhe më shumë.