Për vite me radhë, një nga kritikat e vazhdueshme ndaj ekskluzivitetit të FIFA-s është se shpesh mund të duket sikur asgjë nuk ndryshon nga viti në vit. Sidomos për një lojë që synon të imitojë një sport si futbolli.
Fatmirësisht, me FIFA 22 të lëshuar së fundmi, gjërat duket se po përmirësohen. Jo vetëm që EA Sports lëshoi një lojë të përditësuar këtë vit, por veçoritë që përfshihen shtojnë disa ndryshime të mëdha në modalitetet ekzistuese që me siguri do t’i bëjnë fansat të lumtur.
Ashtu si çdo lojë sportive, një nga gjërat e para që do të vini re kur futeni në FIFA 22 – veçanërisht në një sistem të gjeneratës aktuale si PS5 – është se sa fantastike duket loja. Gjithçka, nga bari i fushës tek dritat që shkëlqejnë tek lojtarët është e shkëlqyer dhe këtë vit nuk është ndryshe. Animacione të caktuara janë shtuar për t’i bërë lojtarët specifikë të ndjehen edhe më shumë si versioni i tyre real.
Përkushtimi ndaj realizmit është shtrirë edhe përtej updates të thjeshta të grafikës ose përfitimeve nga një konsolë më e fuqishme. FIFA 22 gjithashtu përmban ndryshime të mëdha në mënyrën e lojës, falë teknologjisë së saj të re HyperMotion. Kjo teknologji gjendet në versionet PS5, Xbox Series X|S dhe Stadia të lojës, dhe, sipas EA Sports, kombinon kapjen e lëvizjeve në ekip me “machine learning” për të prodhuar animacione krejt të reja për lojën.
Eksperienca me lojërat e kaluara të FIFA-s zakonisht ka qenë sikur po luanit më shumë një lojë arcade sesa diçka që po përpiqet të simulojë realisht përvojën e vërtetë të futbollit. Tani, megjithatë, gjërat ndihen shumë më të përgjegjshme dhe me animacionet e shtuara, duken edhe më mirë, gjë që ju tërheq mjaft teksa luani.
Ndryshime të tjera të mëdha në lojë janë zbatuar gjithashtu. Mbrojtësit tani janë në gjendje të kapin lojtarët në një mënyrë që nuk mund të bënin më parë, duke i bërë ndeshjet të ndjehen shumë më të ngushta dhe më të tensionuara se në të kaluarën.
Portierët janë disa nga pozicionet më të rëndësishme si në futbollin e vërtetë ashtu edhe në FIFA, dhe ata kanë parë pak përmirësim këtu. Pritje më të mira dhe pozicionimi më i zgjuar i inteligjencës artificiale i bën ata që të mos mund të shënoni më aq lehtë ndaj kundërshtarëve, gjë që duhet të çojë në rezultate më pak të anashkaluara që nuk pasqyrojnë saktësisht se si është sporti i vërtetë. Fizika e përmirësuar e topit dhe ndryshimet e përgjithshme në mënyrën se si lojtarët e AI do të lëvizinjanë shtuar gjithashtu, duke rezultuar në një përvojë më të mirë të lojës që më bëri të dëshiroja të vazhdoja të luaja në vend që të bëja pas fitores së fundit 7-0.
Ndërsa ndryshimet e lojës vlerësohen, FIFA 22 me të vërtetë shkëlqen falë ndryshimeve të tij në disa modes kryesore të lojës. Career mode, për shembull, tani lejon lojtarët të krijojnë ekipin e tyre, të kompletuar me aftësinë për të krijuar logon tuaj dhe madje të ndryshojnë sesi do të duket fusha dhe stadiumi në të cilën do të luani.
Në lojërat e kaluara të FIFA-s, krijimi i një lojtari dhe hedhja e tyre në një ekip vërtet të mirë në thelb nënkuptonte se nuk do të luanit kurrë, dhe kështu nuk do të kishit asnjë nxitje të vërtetë për t’u kthyer në modalitet. Në FIFA 22, ju tani jeni në gjendje të hyni në lojë si zëvendësues, duke ju dhënë mundësinë që jo vetëm të luani, por edhe të rrisni rating të lojtarit tuaj dhe t’i bëni ata edhe më të mirë.
Rregullime të reja në mënyrën se si lojtarët mund të rrisin karakteret e tyre dhe të fitojnë objektivat e tyre janë gjithashtu në lojë, me Match Objectives tani më realiste. Po kështu, fitimi i pikëve të përvojës për të rritur nivelin e karakterit tuaj është gjithashtu një përvojë shumë më e mirë, me përfshirjen e një skill tree në lojë që ju ndihmon të vizualizoni dhe zgjidhni saktësisht atë që dëshironi të përmirësoni në lidhje me lojtarin tuaj.
Volta Football, një modalitet loje që ju jep më shumë përvojë arcade dhe “FIFA street”, gjithashtu bën një rikthim dhe me disa ndryshime të mëdha. Ndërsa ishte një modalitet i ri kur u prezantua në FIFA 20, asnjë ndryshim i vërtetë nuk ishte bërë që atëherë. Fatmirësisht, kjo ka ndryshuar me FIFA 22.
Ky mode ofron mini-lojëra vetëm për fundjavën të cilat janë mjaft argëtuese. Lojëra si Wall Ball, Foot Tennis, Disco Lava dhe Target Gallery janë disa nga mini-lojërat që përmendëm, me EA që planifikon të prezantojë më shumë në të ardhmen. Ndonëse mund të mos duket shumë, është një shtesë shumë qejf dhe ju fikson goxha në fakt.
Diçka tjetër që Volta sjell, janë superfuqitë ose Signature Abilities. Ju mund të zgjidhni mes Power Strike që ju jep boost në goditje, Pure Pace sjell boost në shpejtësi dhe Aggressive Tackle që ju shndërron në një prime Gattuso kur bëni një ndërhyrje kundrejt kundërshtarëve.
FIFA Ultimate Team, është lehtësisht aspekti më popullor i lojës vit pas viti. Fatkeqësisht, megjithatë, shumë nga kritikat më të mëdha me të cilat përballet modaliteti online mbeten të njëjta dhe është diçka që me siguri do të vazhdojë të tërheqë zemërimin si nga fansat ashtu edhe nga lojtarët.
Ankesa më e madhe kundrejt Ultimate Team është se ndihet më shumë si një mënyrë për kompanitë që të vazhdojnë të sjellin shumë para nga lojtarët përmes mikrotransaksioneve.
Me FIFA 22, njerëzit në EA Sports kanë prezantuar një sërë ndryshimesh në modalitetin e lojës që, në teori, e bëjnë më të lehtë luajtjen e FUT. Division Rivals është modifikuar për t’i bërë gjërat më miqësore për përdoruesit. FUT Champions është rishikuar gjithashtu, me synimin për ta bërë pak më të lehtë konkurrimin kundër lojtarëve të të njëjtit nivel aftësie përpara se të kaloni në play-off dhe në finale për të fituar disa çmime të mëdha.
Fatkeqësisht, këto ndryshime, ndonëse janë shumë të mirëpritura, në të vërtetë nuk e ndryshojnë modalitetin mjaftueshëm për t’i bërë lojtarët të mos ndihen të inkurajuar të vazhdojnë të shpenzojnë para për të pasur ekipin më të mirë.
Sa i përket lojërave të futbollit, është shumë e vështirë për të gjetur një më të mirë se FIFA. Për mirë ose për keq FIFA 22 ka arritur të ndryshojë një sërë gjërash që ishin shumë të vonuara, dhe në këtë proces është bërë standardi i ri për lojërat e futbollit që do të dalin. Ndryshime të mëdha në mënyrën se si luhet loja, të kombinuara me përmirësimet standarde vjetore grafike, krijojnë një nga përvojat më të mira të futbollit që mund të kërkoni nga një simulator futbolli.