Ubisoft njihet për Easter Egg që sjell në lojërat e saj dhe së fundmi sipas një Easter Egg në Far Cry 6, një battle royale ose survival mode mund të vijë së shpejti.
Ubisoft lançoi javën e kaluar Far Cry 6 duke na sjellë në botë të madhe për të eksploruar. Dhe disa lojtarë kanë zbuluar QR Codes të cilat kanë zbuluar disa detaje dhe informacione të reja. Sipas YouTuber JorRaptor, skanimi i këtyre QR i ka dhënë disa video të shkurtra.
Videot në fjalë kanë treguar një karakter revolver në stilin “cartoon”, një hartë me elementë të ndryshëm në të që tregojnë se do të ketë shumë lojtarë dhe një botë të madhe dhe një mace të mbuluar me mburojë e cila sulmon ushtarët dhe lojtarët.
JorRaptor sugjeron se kjo tregon se një mode i ri battle royale po vjen por bota e madhe dhe prezenca e kafshëve tregon gjithashtu se mund të jetë një multiplayer survival mode. Harta tregon një vend të quajtur Sky Temple dhe na kujton Far Cry 4.
Gjithashtu është e mundur që ky të jetë një teaser për një projekt të ri nga Ubisoft e ngjashme me Watch Dogs 2 i cili solli një teaser të vogël për lojën sci-fi space Pioneer(projekt i anuluar).