Far Cry Beyond do të vijë në 2022 me ndryshime të mëdha në të

Far Cry është një ndër seritë më të suksesshme të Ubisoft ku çdo lojë Far Cry sjell një ambient dhe veçori të reja. Por një seri e re e Far Cry e quajtur Far Cry Beyond mund të sjellë ndryshime në këtë seri.

Far Cry gjithmonë ka arritur të sjellë aksion në first-person mode duke bashkuar në të shumë elemente. Por në një njoftim të bërë së fundmi, seria pritet që të pësojë ndryshime me një lojë të re që pritet të dalë në vitin 2022.

Në një njoftim të bërë në Twitter, Funforge ka zbuluar se nëpërmjet një bashkëpunimi me Ubisoft do të sjellë një lojë të re Far Cry të quajtur Far Cry Beyond e cila pritet të vijë në vitin 2022. Funforge njihet për lojërat e saj në zhanrin board games/tabletop.

Ky ishte një njoftim i cili habiti shumë fansa duke qenë se Far Cry njihet për aksionin e shpejtë dhe kalimi në një lojë tabletop/board është një kthesë e çuditshme.