Pas udhëtimit të çmendur brenda mendjes së Vaas Montenegros, DLC e dytë e Far Cry 6 e quajtur Control na çon në botën e një tjetër antagonisti të serisë së Far Cry dhe kësaj here ai është Pagan Min.
Duam t’iu njoftojmë se në vijim do të gjeni SPOILERS rreth Far Cry 4 dhe Control DLC. Gjithashtu duam të falënderojmë miqtë tanë tek Ubisoft që na mundësuan të provonim këtë DLC.
Pagan Min është antagonisti kryesor me të cilin përballeni në Far Cry 4 dhe ku njohim një pjesë të personalitetit të tij. Ai njihet për karakterin e tij të pamëshirshëm dhe si një diktator që dëshironte të kontrollonte çdo gjë rreth tij.
E njëjta gjë vlen edhe për familjen e tij. Në Control DLC ne kuptojmë se teksa ai përpiqej të kontrollonte çdo gjë, ai humbi familjen e tij duke përfshirë këtu të dashurën e tij Ishwari, vajzën e tij Lakshmana dhe djalin e tij të adaptuar Ajay i cili është gjithashtu protagonisti i Far Cry 4.
Por ndryshe nga Vaas, ai reflekton me veten e tij shpesh dhe përpiqet të mendojë se si mund të rregulloj gabimet e të shkuarës. Por teksa ai përpiqet të rregullojë gabimet e tij, ai lëndon të gjithë njerëzit që ka rreth e rrotull.
Menjëherë sa hyjmë në lojë ne do të përballemi me një skenë ku Pagan është i lumtur me familjen e tij por vetja e tij shfaqet para tij dhe vret këdo që ka para. Menjëherë pas kësaj ai zgjohet në të njëjtin vend dhe këtu nis lufta e tij kundër vetes.
Ndryshe nga Insanity DLC, ju nuk do të përballeni kundër protaganisitit por kundër një zëri, i cili na lë të kuptojmë se është dëshira për pushtet dhe kontroll e Pagan. Ne e shohim atë të bisedojë dhe grindet shpesh me të.
Harta është një miksim i vendeve të ndryshme të Far Cry 4 ku mund të shohim shtëpinë e Ajay, pallatin e Pagan dhe më shumë. Njësoj si në DLC e kaluar, ju do të gjeni vende të ndryshme të cilat sjellin kujtime nga e shkuara e Pagan ose nga Far Cry 4.
Qëllimi juaj kryesor është të mblidhni tre pjesë të maskës dhe të bashkoheni me familjen tuaj. Dhe njësoj si në Insanity DLC ju do të nisni lojën me thjesht një pistoletë. Ju do të keni mundësinë të përmirësoni skills tuaj ose të përmirësoni armët dhe gjithashtu të hapni armë të reja duke plotësuar sfida specifike.
Me pak fjalë Control DLC sjell të njëjta veçori dhe gameplay si Instanity DLC por me një histori ndryshe.
Për ta përmbledhur Control DLC është një rikthim i lezetshëm dhe argëtues në botën e Far Cry 4 por kësaj here nga këndvështrimi i Pagan. Ju do ta gjeni veten gjatë shumicës së kohës në aksion dhe gjithashtu ju mund të ftoni një shok për ta luajtur atë co-op.