Pas dy DLC të para të cilat na sollën botën e çmendur të Vaas Montenegros dhe Pagan Min, radhën e ka Joseph Seed i cili rikthehet nga Far Cry 5 dhe New Dawn në një udhëtim të ri rrëqethës.
Para se të nisim duam t’iu njoftojmë se në vijim do të gjeni spoilers nga loja Far Cry 5, Far Cry New Dawn dhe po ashtu edhe nga Collapse DLC. Gjithashtu duam të falënderojmë miqtë tanë tek Ubisoft që na e mundësuan këtë mundësi që të provonim Collapse DLC.
Collapse DLC na sjell përsëri në skenë antagonistin kryesor të Far Cry 5, Jospeh Seed, ose i njohur ndryshe si “The Father” nga fansat e serisë Far Cry.
Kësaj here Joseph e gjen veten në Hope County të transformuar në një prej parajsave që Joseph kishte ëndërruar. Menjëherë sa hymë në lojë, vumë re retë në formën e simbolit të Eden’s Gate, kishat dhe vendet ikonike nga Far Cry 5 të transformuara dhe përshtatura në këtë botë brenda mendjes së Joseph.
Ndryshe nga DLC e kaluara ku ne përballeshim me të shkuarën e dy antagonistëve, Vaas dhe Pagan, kësaj here ne përballemi me mëkatet e Joseph. Collapse DLC tregon një luftë të brendshme të Joseph e cila çon në një transformim të madh të tij e cila lidhet me të dyja lojërat, si Far Cry 5 po ashtu edhe me Far Cry New Dawn.
Gjatë historisë së lojës ju do të shikoni Joseph teksa ai pendohet për mënyrën se si i ka drejtuar njërëzit dhe kultin e tij duke përfshirë këtu edhe familjen e tij të cilën e shohim shpesh. Edhe pse ai mund të kishte të drejtë për fundin e botës dhe rrezikun që i afrohej, gabimet dhe gënjeshtrat e tij bënë që ai të humbte gjërat e tij më të rëndësishme.
Kësaj here, Joseph shoqërohet ose më saktë përndiqet nga një “karakter” i quajtur “the Voice” i cili i flet atij herë pas herë dhe e shfaq veten si një manifestim i brendshëm i zërit të Zotit sipas Joseph.
Ju do të përballeni me misione, armiq dhe sfida të ndryshëm por të cilat iu shpërblejnë me pikë të quajtura Penance. Dhe diçka që mësoni sapo hyni në lojë është se sa herë që vdisni, ju do të humbisni çdo progres që keni arritur dhe do ta nisni lojën nga fillimi. Dhe për t’ua bërë më të lehtë”, ju do të njiheni me disa mekanika të reja që janë shtuar në këto DLC.
E para është Mirror e cila iu lejon t’i jepni vetes disa aftësi si më shumë HP ose të rikuperoheni më shpejt, të ruani pikët (Penance) pas vdekjes, të shikoni armiqtë pas mureve dhe më shumë. Ju mund t’i bëni unlock këto aftësi duke mbledhur Penance dhe duke i shpenzuar tek Mirror.
Një veçori tjetër e re është “Gun For Sale” e cila iu ofron armë dhe të cilat mund t’i bëni upgrade duke përdorur pikët e mbledhura. Por fillimisht do t’iu duhet që të bëni unlock armët të cilat mund t’i merrni nëpërmjet sfidave të ndryshme që gjeni. Ato do t’iu ofrojnë armë të ndryshme si Pistols, Shotguns, Assault Rifles, Crossbow dhe më shumë.
Diçka tjetër e re që do të gjeni janë “Hearts” të cilat iu japin një buff të vogël dhe mund t’iu ndihmojnë shpesh herë. Ato mund t’i gjeni duke vrarë armiq, nëpër chests ose duke plotësuar misione puzzle të cilat do t’iu kthejnë në të shkuarën tuaj dhe do të njiheni më shumë me Joseph Seed.
Dhe nëse doni që të keni një mundësi të dytë në rastet kur vdisni, ju mund të merrni përsipër sfida. Këto sfida janë vërtet të vështira por që iu japin një heart e cila iu jep një mundësi të dytë në rastet kur vdisni.
Teksa eksploroni do të gjeni Safe House të reja ku mund të shpenzoni paratë tuaja në Gun for Sale dhe Mirror ose të bëni save progresin tuaj. Diçka tjetër që do të gjeni janë disa dyer të cilat do t’iu transportojnë në vende specifike të kësaj bote.
Problemi kryesor që kishim me Collapse DLC është se zhanri dhe stili i lojës është i njëjtë me atë të DLC të kaluara dhe të themi të drejtën nuk i përshtatej shumë Joseph Seed. Ndryshe nga dy DLC e mëparshme ku zhanri “roguelite” përshtatej me karakterin, mendojmë se Joseph Seed kërkonte një DLC të bazuar më shumë në histori sesa në aksion.
Por përsëri fansat e Far Cry do të kënaqen nga kjo DLC duke i zhytur akoma edhe më shumë në mendjen e një tjetër antagonisti ikonik të Far Cry.