Me një nga ndryshimet më të mëdha në garat e Formula 1 në më shumë se një dekadë që po ndodh këtë sezon, nuk është befasuese që rikrijimi i tij në F1 22 të rifokusohet në bazat. Është e lehtë të shikosh hyrjet e këtij viti në serinë F1 dhe të shohësh vetëm përmirësime në rritje, me një fokus të qartë në mënyrën sesi makinat e shpejta marrin kthesat e ngushta duke “përkthyer” eksperiencën e garuesve të Formula 1 në F1 në një mënyrë të prekshme.
Fokusi në rregullime të vogla por të rëndësishme do të thotë që F1 22 ndihet paksa më mirë se versioni i vitit të kaluar, por është ende një pasardhës i vlefshëm për shkak se sa mirë e bën të ndjehet në këtë epokë të re të garave F1.
Nëse nuk jeni të njohur me se sa gjera kanë ndryshuar në garat reale të Formula 1 këtë sezon, po iu japim disa pika që mbulojnë të gjitha këto ndryshime. Makinat janë më të rënda këtë vit, me peshën minimale të lejueshme të rritur për të akomoduar një sërë ndryshimesh dhe rregullash aerodinamike.
Shumë nga këto ndryshime janë të përfaqësuara në pjesën e poshtme të çdo makine, me një efekt që tani i mban makinat brenda pistës kur ato marrin kthesa me shpejtësi jashtëzakonisht të larta. Kjo i bën kthesat e shpejta të ndihen më të lehta për t’u marrë me shkathtësi, por gjithashtu janë shumë më sfiduese në momente të caktuara.
Në të njëjtën mënyrë që ndryshimet e kanë bërë këtë sezon të Formula 1 tërheqës për të parë teksa pilotët kuptojnë kufijtë e rinj të këtyre makinave, F1 22 është një reset pothuajse total i gjithckaje që ju dinit rreth garave në lojë. Pistat me rrugë të ngushta, si Baku i Monte Carlo janë edhe më të vështira për t’u garuar.
Anasjelltas, rrugët me kthesa të gjata e të shpejta, të tilla si Maggotts dhe Becketts në Silverstone ose Monzas, ndihen shumë më të lehta për t’u menaxhuar. Ndryshimet janë aq të mëdha saqë shpesh e gjenim veten duke rregulluar vështirësinë e AI pasi shpesh herë ju mund të jeni në avantazh dhe në një moment të dytë e gjeni veten të fundit.
Në këtë mënyrë, F1 22 mund të ndihet shumë më revolucionar se sa duket në sipërfaqe. Nëse po i riktheheni serisë pas F1 21 të vitit të kaluar, garimi i këtij viti ofron më shumë se sa duhet për sa i përket ndryshimeve domethënëse duke e bërë mësimin e çdo piste të ndjehet sërish si një sfidë e kënaqshme.
Kjo është veçanërisht e vërtetë nëse jeni mësuar të garoni me shumë nga asistimet e lojës të fikura. Pesha e automjeteve të reja dhe veçoritë e reja testojnë durimin tuaj, gjë që e bën të vështirë edhe vendosjen e asistencës të nivelit mesatar për t’u rehatuar.
Ana e kundërt e këtij modeli të ri sfidues të drejtimit është rikthimi i shumë e shumë cilësimeve që ju lejojnë të ndryshoni F1 22 në një përvojë që mund ta shijoni pavarësisht nga niveli juaj i aftësive. Ndihmat e shumta, të tilla si ndihmat e drejtimit dhe frenimit, kontrolli i tërheqjes dhe frenimi ABS, mund të zvogëlojnë në mënyrë drastike numrin e elementeve që duhet të mendoni kur shkoni në çdo cep.
Diçka e re në hyrjen e këtij viti është shtimi i një rregullimi adaptiv të AI, i cili i mban makinat e tjera mjaft afër për parakalime të qëndrueshme nëse jeni më pak të fokusuar për të mbajtur boshllëqet e vogla.
Mekanika shtesë për xhirot e formacioneve dhe ndalesat në pit ju japin më shumë mundësi edhe në këto momente vendimtare. Pit-stop i jepet një trajtim i ngjashëm, me një buton të shpejtë dhe shpejtësia e reagimit tuaj që përcakton kohën e fituar (ose humbur) në pit.
Kjo, në mënyrë të ngjashme, mund të ndryshohet gjithashtu në një sekuencë të automatizuar të ngjashme me transmetimin, që nuk manovrim nga ana juaj. Duke pasur parasysh shpërthimin e popullaritetit që Formula 1 ka përjetuar kohët e fundit, këto cilësime ndihmëse dhe mekanika të reja (edhe nëse jo krejtësisht të reja) janë edhe më të rëndësishme për një audiencë të re që mund të vijë në lojën e re të këtij viti.
Me mungesën e Braking Point, e vetmja shtesë e madhe për F1 22 është F1 Life, dhe ajo zbehet në krahasim pothuajse në çdo mënyrë. F1 Life është një hapësirë sociale, por është pothuajse më shumë një sfond duke shfaqur stilin e jetesës së klasit të lartë që shumë pilotë të F1 e shijojnë duke e rikrijuar atë në një ekspozitë dixhitale të makinave, trofeve dhe mobiljeve të shtrenjta.
Lojtarët e tjerë që keni takuar në internet do të hyjnë dhe dalin në mënyrë dinamike nga kjo hapësirë, ndërsa ju mund të inspektoni manualisht hapësirat e mikut duke i vizituar ata. Opsionet për të dekoruar këto hapësira janë tepër të kufizuara, megjithatë, me vetëm një pjesë të vogël të supermakinave që mund t’i blini me tokens në lojë (të fituara duke plotësuar kilometrazhin në gara) të disponueshme për t’u shfaqur.
Bën sens në një vit që Formula 1 ka ndryshuar kaq shumë, pjesa më e madhe e fokusit për F1 22 ka shkuar në përsëritjen e ndryshimeve të rregulloreve për të ofruar përvojën e pritshme autentike të garave për të cilën seria është bërë e njohur.
Në këtë drejtim, F1 22 ofron një mënyrë sfiduese të kënaqshme për të luftuar këto makina ekstreme të garave rreth çdo piste. Janë disa gabime të rralla për një seri që ka qenë “vazhdimisht i shkëlqyeshëm” për kaq shumë kohë si mungesa e Braking Point ose shtimi i disa veçorive të parëndësishëm. Por fatmirësisht ofron një aksion të madh nëse e luani për një kohë të shkurtër atë.