Bug-u bën crash një lobby të tërë dhe thuhet se është i lehtë për t’u kopjuar. Një seri streamers dhe content creators, përfshirë ImperialHal dhe Daltoosh, shprehën pakënaqësinë e tyre në stream pasi ranë vazhdimisht viktima të këtij shfrytëzimi. Të dy po luanin së bashku dhe shpesh e gjenin veten përsëri në title screen pasi lojtarët abuzonin me defektin.
Glitch-i ka një efekt anësor të synuar. Crash-i i të gjithë serverit mund të shkaktojë “win boost” pa asnjë dënim për shfrytëzuesin. Për atë arsye, kjo u bë një mënyrë e shpejtë dhe e lehtë për të rritur rank-un. Sidoqoftë, përdorimi i shpeshtë i anomalisë mund të ketë pasoja të rënda për pjesën tjetër të lobby-t – përfshirë abandon penalties dhe ban-e të përkohshme në matchmaking.
Çështja thuhet se lidhet me crafting stations dhe heqja e tyre nga loja mund të jetë një zgjidhje e shpejtë, ndërsa Respawn mundohet të gjej një fix përfundimtar. Nga ana tjetër, kjo do të thotë se mund të shkaktohen ndërprerje gjatë lojës.
Lajmi u njoftua përmes llogarisë zyrtare të Respawn në Twitter të mërkurën pasdite. Postimi shton se ekipi në Apex po kërkon për një zgjidhje.
“Ne jemi të vetëdijshëm për një exploit që shkakton crash në server për lojtarët e Apex Legends.“
We’re aware of an exploit causing server crashes for @PlayApex players. Investigating.
— Respawn (@Respawn) March 17, 2021
Ky nuk është glitch-i i parë që nga update-i i Chaos Theory. Nëse kujtoheni, Ring Fury prezantoi një item të ri të quajtur Heat Shields – i cili shtoi një tingull të pashmangshëm (mund të lexoni më tepër këtu). Respawn e rregulloi bug-un me një ndërhyrje të shpejtë dhe shfrytëzoi rastin për të rregulluar një seri problemesh të tjera lidhur me translocator-in e Loba-s.