Expansion i parë DLC i AC Valhalla vjen drejt fundit të Prillit

Ubisoft deklaroi se DLCja e parë e Assassin’s Creed Valhalla “Wrath of the Druids” do të vijë në datën 29 Prill. Kjo është e para nga dy zgjerimet (me pagesë), e dyta prej të cilave “The Siege of Paris” duket se është në rrugë për këtë verë.

Cfarë përbëjnë DLC-të?

Në Wrath of the Druid, lojtarët fillojnë një udhëtim në Irlandë drejt zbulimit të mistereve të shumta pas një kulti me origjinë antike Druidike. Kështu, aventurat e ardhshme të Eivor përqendrohen rreth mitologjisë dhe folklorit galeik.
I vendosur në Frankia të shkatërruar nga lufta, Siege of Paris do t’i lejojë lojtarët
të përjetojnë atë që Ubisoft përshkruan si “betejat më ambicioze në historinë e Vikingëve”. Një konfrontim i tillë do të thotë që Eivor dhe ekuipazhi janë vendosur të infiltrojnë në qytetin e fortifikuar dhe të marrin pjesë në një rrethim të zgjatur që synon të sigurojë të ardhmen e Klanit Raven.

Detaje të tjera në lidhje me DLC-në e dytë janë të pakta, por aktori mashkull i Eivor (Magnus Bruun) kohët e fundit konfirmoi se ekipi ka përfunduar regjistrimin për The Siege of Paris.

Çfarë do të përfshijë në të vërtetë Assassin’s Creed Valhalla DLC?

Me vendosjen e përmbajtjes së Festivalit Ostra, e cila zgjat nga 18 Mars deri më 8 Prill,
Ubisoft njoftoi se Wrath of the Druids fillon më 29 Prill. “Haunted beauty of Ireland” pret,
ashtu si aleancat që Eivor mund të lidhë me fisnikët Galikë. Siç u përmend më lart, Eivor do të hasë gjithashtu misteret e një kulti druid të njohur si Children of Danu. Lojtarët kanë mundësinë të blejnë DLC si një version të pavarur ose ta shkarkojnë atë përmes ofertës Season Pass të AC Valhalla. Një udhërrëfyes i ri për përmbajtjen gjithashtu thekson se Mastery Challenge (një tjetër version i lojës falas) është planifikuar të dalë më vonë në pranverë. Udhërrëfyesi është paraqitur më poshtë:

Ky informacion u përgjigjet disa pyetjeve që kanë kohë që shfaqen mbi planet e përmbajtjes së Ubisoft pas fillimit për Assassin’s Creed Valhalla. Për një kohë, fansat shprehën shqetësimin për mungesën e updateve të përmbajtjes dhe detajeve të lidhura me DLC. Tani duket sikur gjërat po përparojnë më normalisht në këtë drejtim.

Rrjedha e qëndrueshme e përmbajtjes nuk do të thotë që Ubisoft është larg interesimit të fansave. Për shembull, shtimi i kësaj jave i funksionit transmog, shkaktoi mjaft bujë mes lojtarve besnikë të Assassin’s Creed. Ndryshe nga sistemi i transmogrifikimit në AC Odyssey, transmogu i AC Valhalla mban një çmim prej 50 argjendi në lojë.