Një tjetër javë erdhi, dhe kjo do të thotë një tjetër raund lojrash falas për PC nga Epic. Dhuratat e kësaj jave janë teknikisht pesë lojëra, por javën e ardhshme Epic do të japë falas akoma më shumë lojëra. Për këtë nuk nevojiten teknika të veçanta. Së shpejti do të jeni në gjendje të merrni The First Tree, Ken Follett’s The Pillars of the Earth, dhe Deponia: The Complete Journey.
Të tre lojërat do të shfaqen drejtpërdrejt më 15 Prill në faqen e zakonshme të promovimit të Epic Games Store dhe do të jenë në dispozicion deri më 22 Prill, kur të gjitha do të zëvendësohen nga një dhuratë tjetër. Si kurrë më parë, ju do të ‘blini’ secilën lojë individualisht me një çmim prej zero dollarësh dhe më pas do të mbeten në arkivën tuaj përgjithmonë.
Deponia: The Complete Journey është një përmbledhje e të tre hyrjeve në trilogjinë e lojërave aventureske. Mund ta përfytyroni si Monkey Island, por me një avantazh pak më cinik. Loja zhvillohet në një version të botës që është degjeneruar në një grumbull plehrash, me të pasurit dhe të famshmit që jetojnë në një qytet lundrues shumë më lart se ata fatkeqë që të mbeten më poshtë. Lojtarët marrin rolin e Rufus i cili, pasi takon një grua nga bota e përtejme, nxjerr një plan të guximshëm për t’i shpëtuar jetës së tij. Gjatë lojës, lojëtarët duhet të plotësojnë enigma, të ndërveprojnë me NPC dhe të hetojnë botën e çuditshme të lojës.
Ken Follett’s Pillars of the Earth është një epos historik i drejtuar nga narrativa bazuar në librin me të njëjtin titull. Vetë loja zhvillohet në Anglinë e shekullit të 12-të, duke ndjekur tre protagonistë të ndryshëm ndërsa përpiqen të ndërtojnë një katedrale.Kjo lojë i lejon lojtarët të ndryshojnë ngjarjet e historisë së famshme, duke ndryshuar fatet e personazheve të saj, ndërsa ofron gjithashtu një stil unik 2D dhe 200 sfonde të pikturuara me dorë.
The First Tree është një aventurë e shkurtër, e përqendruar në eksplorim, e cila tregon një histori të përzemërt ndërsa merrni kontrollin e një dhelpre.Gjatë lojës,lojëtarët do të zbulojnë historinë e krijesës madhështore dhe atë të një djali të ri që lidhet me babanë e tij të larguar. Të dyja historitë do të ndërthuren gjatë gjithë përvojës. Loja synon të jetë një aventurë reflektuese, duke i lënë lojtarët të eksplorojnë mjedise mbresëlënëse.
Të tre lojërat do të jenë në dispozicion në 15 Prill dhe do të mund ‘t’i blini’ deri sa të hiqen nga promovimi më 22 Prill. Epic Games Store bashkohet me Microsoft dhe Sony në ofrimin e një sërë lojërash falas këtë muaj, dhe abonentët e PS Plus mund të marrin Oddworld : Soulstorm dhe Day’s Gone.