Epic Games Store zbulon 2 lojërat falas për javën tjetër

Çdo të enjte Epic Games Store jep falas lojëra falas dhe këtë të enjte përveç lojërave falas, ka zbuluar se cilat do të jenë lojërat e ardhshme falas.

Lojërat falas për javën tjetër janë Insurmountable dhe XCOM 2. Gjithashtu mos harroni t’i hidhni një sy edhe lojërave falas për këtë javë.

Insurmountable është një lojë aventurë në të cilën lojtarët duhet të kalojnë male të mëdha. Falë veçorive të lojës, asnjë ngjitje mali që do të bëni nuk do të jetë njësoj. Përballoni terenin e vështirë, ndryshimet e motit, misteret dhe rreziqet dhe sigurohuni që të mos e vendosni veten në pika kritika. Dhe të mos harrojmë, nëse vdisni ju humbni të gjithë progresin e bërë.

XCOM 2 është një sequel i lojës strategjike turn-based XCOM: Enemy Unknown. 20 vite pas pushtimit të Tokës, alienët kanë zaptuar çdo cep të tokës duke e ndryshuar atë. XCOM është linja e fundit e mbrojtjes dhe tashmë do t’iu duhet që të luftoni kundër alienëve dhe të përpiqeni të shpëtoni planetin tuaj.

XCOM 2 dhe Insurmountable do të jenë falas që prej datës 14 prill deri më 21 prill. Por mos harroni të merrni lojërat falas për këtë javë në Epic Games Store.