Epic Games bashkë me ndihmën e Microsoft ka arritur të japin një donacion mbi 70 milion dollarë drejt luftës midis Rusisë dhe Ukrainës. Dhe e gjithë kjo pothuajse është arritur nëpërmjet blerjeve të kryera në Fortnite nga lojtarët e saj.
Në një njoftim të kryer së para disa ditësh, Epic Games njoftoi se nga 20 mars deri më 3 prill, të gjitha parat e fituara nga blerjet në Fortnite do të shkonin drejt organizatave humanitare që po operojnë tashmë në luftën midis Ukrainës dhe Rusisë.
Together we’ve now raised $70 million USD in humanitarian relief funds for Ukraine. Congratulations and thanks everyone + @xbox for joining this effort! pic.twitter.com/C09uffbjPF
— Fortnite (@FortniteGame) March 25, 2022
Shumë organizata të tjera iu janë bashkuar kësaj nisje ku një ndër to ishte edhe Xbox i cili dhuroi të gjitha fitimet e tij nga Fortnite gjatë kësaj periudhe. Deri më tani, Fortnite ka arritur të mbledhë mbi 70 milion dollarë bashkë me ndihmën e Microsoft.
Kjo është shuma më e madhe që është dhënë ndaj Ukrainës gjatë kësaj periudhe kur e krahason me kompani të tjera në pothuajse të njëjtën industri. Meta(Facebook) ka dhuruar 15 milion dollarë, Amazon 10 milion dollarë dhe Samsung 6 milion dollarë.
Asnjë nga këto shuma nuk mund të krahasohet me atë të Fortnite duke marrë parasysh që ky donacion mbyllet më 3 prill.