Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Javën e kaluar EA njoftoi se ndoshta i ishte mjaftuar duke paguar FIFA-n, organin drejtues të botës së futbollit, në mënyrë që t’i quajë lojërat e veta FIFA. “Ndërsa shikojmë përpara, ne po eksplorojmë idenë e riemërimit të lojërave tona globale të futbollit EA SPORTS”, shkroi menaxheri i përgjithshëm i EA Sports Group Cam Weber në një postim në blog. “Kjo do të thotë që ne po rishikojmë marrëveshjen tonë për të drejtat e emërtimit me FIFA-n, e cila është e ndarë nga të gjitha partneritetet dhe liçensat tona të tjera zyrtare në të gjithë botën e futbollit.”
Pra pak a shumë, EA Sports do që të ndryshojë emrin e saj dhe mesa duket nuk kanë pritur shumë pasi së fundmi EA ka regjistruar marka në Europë për diçka të quajtur EA Sports FC. Këto u regjistruan më 1 tetor në Intellectual Property Office në Mbretërinë e Bashkuar dhe Intellectual Property Office të BE-së për “softuerët e lojërave kompjuterike”.
Brand-i i FIFA ka qenë gjithmonë e ndryshme nga grupi i gjerë i liçensave të tjera të përfshira në lojë, dhe drejtuesit e mëparshëm të EA, si Peter Moore, kanë thënë se EA ka bërë më shumë për imazhin e FIFA-s me suksesin e kësaj serie sesa FIFA vetë.
Pra, duket se FIFA 22 do të jetë e fundit e serisë që do të ketë atë emër… ndoshta gjithsesi. Dhe ka arsye të tjera për të konsideruar edhe ndryshimin e emrit: FIFA është e madhe, por kjo mund të jetë gjithashtu një shans për të lëvizur nga fushat e polemikave si FUT dhe pakot e lojtarëve, gjëra të cilat disa i konsiderojnë si përfitim joetik.
