Lançimi i Elden Ring është afër dhe FromSoftware ka sjellë një trailer të ri rreth lojës i cili na sjell më shumë informacione rreth historinë dhe gameplay të Elden Ring.
Trailer i ri i lancuar me të vërtetë mund të jetë afërsisht rreth 3 minuta i gjatë por na dhuron një emocion të vecantë teksa shohim se çfarë ka në plan të na sjell Elden Ring. Në të mund të shohim përbindëshat dhe armiqtë e ndryshëm me të cilët mund të përballeni duke filluar nga dragonjtë që nxjerrin flakë nga goja dhe deri tek krijesa të frikshme që nuk i kemi parë më përpara.
Mund të vëmë re edhe vendet e larmishme dhe të mrekullueshme që Elden Ring ka për të na sjellë. Gjithashtu të mos harrojmë personazhin kryesor të historisë dhe i cili do të komandohet nga lojtarët. Ju do të luani si një pasardhës i Tarnished, një grup heronjsh të dëbuar. Tashmë misioni juaj është që të gjeni Elden Ring dhe të bëheni Elden Lord.
Por kjo nuk do të jetë aspak e thjeshtë duke marrë parasysh që Elden Ring është një lojë Souls të cilat njihen për kundërshtarët goxha të vështirë dhe sfidues që ka. Elden Ring do të lançhet më 25 shkurt 2022 për platformat PC, PS4, PS5, Xbox One, Xbox Series X|S.