Edhe eFootball përjashton Mason Greenwood nga loja

Futbollisti i Manchester United Mason Greenwood u akuzua së fundmi për përdhunim dhe sulm nga një grua në Instagram, pas së cilës u arrestua nga Policia e Mançesterit. Manchester United ka thënë se Greenwood nuk do të luajë për klubin deri në një njoftim tjetër.

Për ata që e luajnë… Konami tani ka njoftuar se ka hequr Mason Greenwood nga titujt e tij të futbollit, që do të thotë PES 2021 dhe eFootball. Në një deklaratë botuesi tha: “Në dritën e akuzave serioze të bëra kundër Mason Greenwood, lojtari do të hiqet nga titujt tanë të futbollit deri në një njoftim tjetër.

“Konkretisht për PES 2021 në mobile, përdoruesit nuk mund ta marrin rishtas lojtarin, por pronarët ekzistues nuk janë prekur. KONAMI dënon dhunën e çdo lloji. Ndërsa hetimet e policisë janë në vazhdim, do të ishte e papërshtatshme të komentohej më tej.”

Greenwood mbetet në Football Manager, për momentin. Developer Sports Interactive tha në një deklaratë se “nuk ka marrë ende një vendim për statusin e Mason Greenwood në Football Manager 2022 dhe nuk do ta bëjë këtë derisa të bëhen publike gjetjet e hetimit aktual të policisë. Në raste të mëparshme ku lojtarët janë përjashtuar nga klubet e tyre në rrethana të ngjashme, ne i kemi hequr ata nga loja në rastin më të parë.”

Lajmi për arrestimin e lojtarit ka çuar në një nxitim midis kompanive për të shkëputur veten dhe produktet e tyre: Marka sportive Nike pezulloi shpejt marrëdhëniet e saj me Greenwood, ndërsa EA njoftoi heqjen e lojtarit nga produktet e FIFA-s.