U bënë disa kohë që Electronis Arts dhe organizata FIFA janë në diskutime mbi emrin e lojës FIFA. Dhe më në fund kemi një përgjigje, emri i FIFA do të ndryshojë.
Ky ndryshim vjen pas prishjes së kontratës midis EA dhe organizatës së futbollit FIFA pas mosarritjes së një marrëveshjeve gjatë negociatave të kryera gjatë kohëve të fundit. Kjo i jep fund bashkëpunimit mbi 20-vjecar midis tyre duke bërë që lojërat FIFA të marrin një emër të ri i cili do të jetë EA Sports FC.
Sipas një raporti nga New York Times, organizata FIFA dëshironte të dyfishonte pagesën prej 150 milion dollarësh që merrte nga EA Sports për përdorimin e emrit FIFA. Kjo e shtyu EA Sports të gjej një emër tjetër për lojërat e saj.
Gjithsesi gjatë këtyre viteve, EA Sports ka lidhur kontrata dhe ka blerë licenca të ndryshme për goxha organizata të tjera futbolli, liga, klube dhe lojtarë. Kjo do të thotë që pothuajse asgjë nuk do të ndryshojë në lojën e re EA Sports FC përveç emrit.
Fundi i marrëveshjes midis EA Sports do të përfundojë më 2023 dhe se FIFA 23 do të jetë loja e fundit që mban emrin e FIFA.