Gjatë vitit të kaluar ka pasur një dramë mes gjigantit të lojërave video EA dhe FIFA-s, organit qeverisës botëror për futbollin, lidhur me emrin FIFA. Marrëveshja aktuale e licencimit të EA me FIFA-n po përfundon dhe ajo do të ndërtojë markën e saj të futbollit, EA Sports FC.
Kjo shënon fundin e një partneriteti tepër të suksesshëm dhe është paksa një fatkeqësi për FIFA-n, e cila tani duhet të ndërtojë një konkurrent për EA Sports FC nga e para.
FIFA 23 do të jetë loja e fundit e lëshuar në këtë partneritet dhe do të dalë më 30 shtator për PC. Ajo paraqet ekipet e klubeve të femrave për herë të parë: veçanërisht, Women’s Super League dhe Division 1 Arkema. FIFA 23 gjithashtu do të prezantojë Kupën e Botës të Katarit të këtij viti dhe Kupën e Botës për femra në Australi dhe Zelandën e Re si update pas lançimit.
Njoftimi për shtyp iFIFA 23 flet për teknologjinë HyperMotion dhe sistemet e fizikës, si dhe një sistem të ri “driblimi inteligjent”. Rritja e integrimit të futbollit të femrave nënkupton gjithashtu një mori animacionesh të reja për të pasqyruar më saktë lëvizjen e jetës reale. Ekziston gjithashtu një qendër e re stërvitore që duhet t’u mësojë më mirë lojtarëve të rinj bazat para se të fitojnë 8-0 në FIFA 23 Ultimate Team.
FIFA 23 do të sjellë mbi 19,000 lojtarë, më shumë se 700 ekipe, 100+ stadiume dhe mbi 30 liga. Licensat që ajo ka përfshijnë UEFA Champions League, Europa League, Europa Conference League, CONMEBOL Libertadores, CONMEBOL Sudamericana, Premier League, Bundesliga dhe LaLiga Santander. E rëndësishme të theksohet është se EA do të vazhdojë të jetë në gjendje të licencojë këto gjëra: po humbet markën e FIFA-s, jo futbollin.
Një element interesant është se ri-brandimi tashmë ka filluar. Materialet e shtypit të EA i referohen lojës jo si FIFA 23 por si EA SPORTS FIFA 23, dhe citimet nga figura të ndryshme të futbollit si Navin Singh i FA flasin për “dukshmërinë e shtuar që një markë globale si EA SPORTS do të sigurojë për ligën tonë”.